O‘zbekiston Respublikasi Oliy taʼlim, fan va innovatsiyalar vazirligi

1.

Normativ-huquqiy hujjat turi, nomi va rekvizitlari

Vazirlar Mahkamasining “Oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish tartibi toʻgʻrisidagi nizomlarni tasdiqlash xaqida” 2017-yil 20-iyundagi 393-son qarori (oliy taʼlim muassasalari talabalarining oʻqishini koʻchirish)

2.

TSTBni oʻtkazuvchi davlat organi yoki tashkiloti

Oliy taʼlim, fan va innovatsiyalar vaziriligi.

3.

Vakolatli organlarning xulosalari olinganligi

4.

Sana

Tartibga solish taʼsirini baholash natijalari

5.

Xulosa

Qarorda belgilangan tartibga solish usullari hozirgi paytda maqsadga muvofiq hisoblanadi. Ular orqali talabalarning oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish jarayonlari shaffoflashdi, qogʻozbozlik kamaydi va korrupsiya xavfi pasaydi. Ijtimoiy adolat taʼminlandi hamda talabalarning taʼlim olish huquqlari kafolatlandi. Shu bilan birga, elektron xizmatlarni yanada kengaytirish, maʼlumotlar bazalarini yagona platformada integratsiya qilish zarur. Qarorni bekor qilishga asos yoʻq, unga ayrim oʻzgartirish va qoʻshimchalar kiritish tavsiya etiladi.

6.

Hujjatning taʼsir doirasi

Talabalar – oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish jarayonida asosiy manfaatdor subyekt.

Oliy taʼlim muassasalari maʼmuriyati – qarorni amalda ijro etuvchi tashkilot va umumiy boshqaruv va nazorat uchun masʼul davlat organi.

Talabalarning ota-onalari – taʼlim jarayoni bilan bogʻliq ijtimoiy va moliyaviy manfaatdorlar.

7.

Hujjatning natijadorligi va samaradorligi

- oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish jarayonlari ochiq va aniq tartib asosida amalga oshirila boshladi.

- hujjat aylanishi qisqardi, elektron tizimlar joriy etildi.

- qaror qabul qilishda inson omili taʼsiri keskin kamaytirildi.

- barcha talabalar uchun teng shart-sharoit yaratildi.

- yagona tartib orqali nazorat va hisobot tizimi soddalashdi.

- talabalarni koʻchirish ulushi 2017-yildagi 1,5%dan 2024-yilda 3,8%ga oʻsdi.

8.

Hujjatning ijobiy va salbiy oqibatlari

Ijobiy oqibatlar:

• Oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish jarayoni shaffof va adolatli yoʻlga qoʻyildi.
• Qogʻozbozlik va byurokratik toʻsiqlar keskin kamaydi.
• Elektron xizmatlar joriy etilishi natijasida vaqt va resurslar tejaldi.
• Korrupsiya xavfi pasaydi, inson omili taʼsiri cheklandi.
• Talabalarning taʼlim olish huquqlari kafolatlandi va imkoniyatlar kengaydi.

Salbiy oqibatlar:

• Elektron tizimlarni joriy etishda dastlabki xarajatlar va texnik qiyinchiliklar kuzatildi.
• Ayrim hududlarda internet infratuzilmasining zaifligi jarayonni toʻliq amalga oshirishga toʻsiq boʻldi.
• Yangilangan tartibga oʻtish davrida OTM maʼmuriyatida malakali kadrlar yetishmovchiligi sezildi.
• Barcha jarayonlar toʻliq raqamlashtirilmagani uchun baʼzi bosqichlarda hali ham qogʻoz shaklidagi hujjatlar talab qilinmoqda.
• Xalqaro standartlar bilan toʻliq uygʻunlikka erishish uchun qoʻshimcha islohotlar zarur.