Joriy yilning 29-noyabr kuni Toshkent shahridagi Inha universitetida Birlashgan Millatlar Tashkiloti Taraqqiyot Dasturi (UNDP) tomonidan STEM ta’limi va xotin-qizlar uchun kasblarga bag‘ishlangan tadbir bo‘lib o‘tdi
2023-11-29 19:20:00 / Vazirlik yangiliklari
BMTTD O‘zbekistonda STEM sohasida xotin-qizlarning imkoniyatlarini kengaytirish bo‘yicha qator loyihalarni amalga oshiradi. Tadbirda BMT Taraqqiyot Dasturining O‘zbekistondagi laboratoriyasi gender tengligi loyihasi doirasida tayyorlangan tadqiqot natijalarini taqdim etdi. Toshkent shahri, Farg‘ona, Andijon va Surxondaryo viloyatlarida o‘tkazilgan tadqiqotlardan maqsad qizlar va ayollarning STEM ta’lim va kasb-hunarlarini tanlashiga ijobiy ta’sir etuvchi omillarni aniqlashdan iborat.
Sh.Turdikulova tadbir ishtirokchi-qizlariga motivatsion nutq bilan murojaat qildi:
– Ta'lim oling, o‘z ustingizda ishlang va rivojlaning. Bu ko‘nikmalarni sizdan hech kim olib qo‘ya olmaydi. Oldingizga aniq maqsad qo‘ysangiz qiyinchiliklardan o‘tib olishingiz ham oson bo‘ladi. Lavozim, mansab bizga vaqtincha beriladi. Lekin ilm doimo biz bilan qoladi. Shunday ekan, sizga berilayotgan barcha imkoniyatlardan to‘la-to‘kis foydalaning va hech narsadan qo‘rqmang.