Talaba va o‘quvchilarning ijtimoiy faolligini oshirish markazi tomonidan o‘tkazilgan tanlovlar g‘oliblari tantanali taqdirlandi!
2025-01-31 17:00:00 / Vazirlik yangiliklari
Tadbirni vazir o‘rinbosari Sarvarxon Buzrukxonov kirish so‘zi bilan ochib, tanlov va bellashuvlarda muvaffaqiyat qozongan yoshlarni samimiy muborakbod etdi hamda ularning kelgusi faoliyatiga omad va zafarlar tiladi.
Ta’kidlash joizki, 2024-yil davomida markaz tomonidan oliy ta’lim tashkilotlari talabalari hamda kasbiy ta’lim muassasalari va akademik litsey o‘quvchilari o‘rtasida 20 dan ortiq tanlov tashkil etildi. Ushbu tanlovlar yoshlarning nazariy bilimlarini mustahkamlash, jamiyat hayotidagi faolligini oshirish, zamonaviy kasblarni o‘rganish hamda kitob o‘qishga bo‘lgan qiziqishini kuchaytirishga xizmat qilmoqda.
Tadbirda quyidagi tanlovlarning g‘olib va sovrindorlari taqdirlandi:
➖ “Islohotlar bilimdoni”;
➖ “Yilning eng faol talabasi”;
➖ “Yilning eng faol o‘quvchisi”;
➖ “Kitob mening do‘stim”;
➖ “Eng yaxshi dasturchi”;
➖ “Mening Konstitutsiyam”;
➖ “Eng yaxshi rasmlar”;
➖ “Eng yaxshi videoroliklar”.
G‘olib va sovrindorlarga Oliy ta’lim, fan va innovatsiyalar vazirligining diplom va sertifikatlari, qimmatbaho sovg‘alar hamda pul mukofotlari topshirildi.
Tadbir davomida taniqli san’atkorlar tomonidan ijro etilgan go‘zal kuy-qo‘shiqlar barchaga yuqori kayfiyat bag‘ishladi.