Tadbirda Oliy ta’lim, fan va innovatsiyalar vaziri Qo‘ng‘irotboy Sharipov, TDIU rektori To‘lqin Teshabayev, 2024-yilgi Parij paralimpiyasi g‘olibi hamda rekordchisi va universitet bitiruvchisi Asila Mirzayorova, professor-o‘qituvchilar, sportchi talaba-yoshlar, OAV vakillari ishtirok etdi.

Tadbirning kirish qismida so‘zga chiqqan vazir Q.Sharipov mazkur  “Talabalar ligasi” sport musobaqalari kelgusida jahon arenalarida mamlakatimiz bayrog‘ini eng yuqorilarga ko‘taradigan sportchilar yetishib chiqishida muhim omil bo‘lib xizmat qilishini ta’kidlab o‘tdi.

Shuningdek, universitet rektori T.Teshabayev Paralimpiya chempioni va universitet bitiruvchisi A.Mirzayorovaga esdalik sovg‘alarini topshirdi.

– Men mana shunday nufuzli oliygohda o‘qiganimdan faxrlanaman va meni qo‘llab-quvvatlab turgan barcha ustozlarga rahmat aytaman, – dedi chempion A.Mirzayorova.

Toshkent davlat iqtisodiyot universitetida start olgan mazkur sport tadbirlarining navbatdagi mavsumi talaba-yoshlarning sportdagi keng imkoniyatlarini kashf etishda alohida o’rin tutadi.

Tadbirda ishtirok etgan elimiz suygan san’atkorlar ishtirokidagi chiqishlar talaba-yoshlarga o‘zgacha kayfiyat va ruh bag‘ishladi.