100 nafarga yaqin talaba 9 ta xorijiy til bo‘yicha fan olimpiadasida o‘z bilimini sinamoqda
2024-09-26 10:25:00 / Vazirlik yangiliklari
Olimpiada ochilish marosimida Oliy ta’lim, fan va innovatsiyalar vaziri Qo‘ng‘irotboy Sharipov ishtirok etib, barcha ishtirokchilarni respublika bosqichiga yetib kelganliklari bilan tabrikladi.
“- Mazkur olimpiada respublikamiz oliy ta’lim muassasalarida tahsil olayotgan talabalarning xorijiy tillar bo‘yicha bilim va qobiliyatlarini namoyon etish, iste’dodlarini ro‘yobga chiqarish, iqtidorli yoshlarni har tomonlama qo‘llab-quvvatlash, ularni munosib taqdirlash imkonini berishiga ishonaman, - dedi vazir o‘z nutqida.
Shundan so‘ng, O‘zbekiston davlat jahon tillari universitet rektori Ilhomjon To‘xtasinov so‘zga chiqib, olimpiadaning ahamiyati va uni o‘tkazish uchun amalga oshirilgan tayyorgarliklar haqida ma’lumot berib o‘tdi va barcha ishtirokchilarga omad tiladi.
Tantanali tadbirda shuningdek, akademik olimlar, professor-o‘qituvchilar va universitet talabalari ishtirok etdi.
Ochilish marosimidan so‘ng ishtirokchilar birinchi shart bellashuvlariga yo‘l olishdi.
Tadbir asnosida vazir Qo‘ng‘irotboy Sharipov olimpiada test imtihonlari jarayonlari hamda universitetning yangidan o‘z faoliyatini boshlagan obyektlarni koʻzdan kechirdi.
Jumladan, “University Mall” savdo markazidagi universitet logotipi tushirilgan mahsulotlar, yoshlarni tadbirkorlikka jalb etish maqsadida tashkil etilgan “Kulolman” kulolchilik markazi, eng zamonaviy uskunalarga ega boʻlgan “Edusmart” studiyasi hamda universitet 75 yilligi munosabati bilan ochilgan muzeyda boʻldi.