Bugundan kasb-hunar maktablari, akademik litsey va texnikumlar o‘quvchilari uchun o‘quv jarayonlari boshlandi
2024-09-04 11:00:00 / Vazirlik yangiliklari
Shuningdek, tadbirda ish beruvchilar, jumladan “Nurafshon Nur” MChJ, “Urban Style” MChJ, “BYD UZBEKISTAN” vakillari qatnashdi.
Vazir kasb-hunar maktabi jamoasi va 1-bosqichga o‘qishga qabul qilinganlarni yangi o‘quv yili bilan chin dildan qutlab, samimiy tilaklarini bildirdi.
Bugun rivojlanib borayotgan shiddatli zamonda kasb-hunar egallashning o‘rni beqiyos. Hikmatlarda har kim hunar ziynati bilan bezanmog‘i kerakligi aytiladi. Darhaqiqat, hunarli kishi har qanday joyda e’zozlanadi, qadrlanadi. Farzandlarim, shuning uchun bor imkoniyatingizni ishga solib bo‘lsa-da malakali ustozlardan zamonaviy ta’lim olib, kasb-hunar o‘rganib, ularni bilimli mutaxassis bo‘lishdek maqsad yo‘lida sarflang, – dedi vazir.
So‘ng ta’lim maskanida yoshlarning zamonaviy bilim va kasb-hunar egallashlari uchun yaratilayotgan zarur sharoitlar haqida ma’lumot berildi.
Maktab Belorusiyaning Mogilyov davlat iqtisodiyot kasb-hunar va texnologiya kolleji bilan hamkorlikni yo‘lga qo‘ygan. Mazkur hamkorlik doirasida 60 nafar o‘quvchi zamonaviy texnologiyalar asosida o‘qitiladi.
Shuningdek, “BYD UZBEKISTAN” zavodi bilan hamkorlikda 2 ta guruhda 60 nafar o‘quvchi elektron mobillarga texnik xizmat ko‘rsatish bo‘yicha kasbga o‘qitilmoqda hamda yakunida imtihondan muvaffaqiyatli o‘tgan yoshlarimizga kompaniyada amaliyot o‘tash, keyinchalik ishga joylashish imkoniyati yaratiladi.
Tadbirdan keyin kasb-hunar maktabida yoshlar uchun yaratilgan sharoitlar, o‘quv ustaxonalari va amaliyot xonalari bilan tanishildi.
Ma’lumot uchun, yangi o‘quv yilida Shayxontohur kasb-hunar maktabiga 894 nafar (o‘tgan yilga nisbatan 33 foizga ko‘p) o‘quvchi qabul qilingan. Shuningdek, 244 nafar yoshlar dual ta’lim tizimida o‘qish va ishni bir vaqtda olib bormoqdalar.