Nukus davlat pedagogika institutining yangi oʻquv binosi foydalanishga topshirildi
2024-08-30 14:00:00 / Vazirlik yangiliklari
Tadbirda Qoraqalpogʻiston Respublikasi Joʻqorgʻi Kengesi Raisi Amanbay Orinbayev, Vazirlar Kengashi, Oliy taʼlim, fan va innovatsiyalar vazirligi, respublikadagi oliy taʼlim muassasalari, idora-tashkilotlar masʼullari, maʼrifatparvar ziyolilar, institut professor-oʻqituvchilari hamda mehnat jamoasi, keng jamoatchilik va ommaviy axborot vositalari vakillari ishtirok etdi.
Tadbir ishtirokchilari yangi oʻquv binosida talabalarning tahsil olishi, ilmiy-tadqiqot ishlari bilan shugʻullanishi, egallagan koʻnikmalarini mustahkamlashi uchun yaratilgan sharoitlar bilan tanishdi.
Davlat byudjeti hisobidan 76 milliard soʻm mablagʻ ajratilib, qurib bitkazilgan hamda foydalanishga topshirilgan ikki ming oʻringa moʻljallangan yangi oʻquv binosida zamonaviy oʻquv va maʼruza auditoriyalari, eng soʻnggi texnika va texnologiyalar bilan jihozlangan laboratoriyalar, IT-inkubatsiya, axborot-resurs markazlari, bu yilgi oʻquv yilidan boshlab barcha oliy taʼlim muassasalarida joriy etilayotgan registrator ofisi hamda boshqa koʻpgina imkoniyatlar yaratilgan.