– Men uchun mamlakitingizda elchi bo‘lib xizmat qilish katta sharaf, – dedi janob elchi. – O‘zbekiston Respublikasida faoliyatim davomida barcha sohalar qatorida ta’lim, ilm-fan yo‘nalishlarida bir qator muhim ishlarni amalga oshirishimizga ishonaman.

Vazir Q.Sharipov, o‘z o‘rnida Manfred Xutererni yangi lavozimi bilan tabriklab, hamkorlikdagi ustuvor vazifalarga alohida to‘xtaldi. 
– Germaniya doimo biz uchun muhim sherik bo‘lib kelgan, – dedi vazir. – Bugungi kunda o‘zaro talabalar, professor-o‘qituvchilar almashinuvi dasturlarini kengaytirish, yosh olimlarning Germaniyada ilmiy stajirovkalarini tashkil etish muhim yo‘nalishardan biridir. Shuningdek, Germaniya tomon bilan O‘zbekiston Respublikasida ilk nemis universitetini tashkil etish bo‘yicha muzokaralarni davom ettirishga tayyorligini ma’lum qilaman.  

Tomonlar muhandis-texnika mutaxassislarini tayyorlashda o‘zaro ta’lim dasturlarini joriy qilish, Germaniya Federativ Respublikasidan tajribali olimlarni O‘zbekistonga taklif qilish, dolzarb global muammolar yechimiga qaratilgan o‘zaro ilmiy-tadqiqot ishlarini amalga oshirish yuzasidan fikr almashdilar. 

Uchrashuv yakunlariga ko‘ra tomonlar hamkorlikni yanada rivojlantirishga kelishib oldilar.