GRACE dasturini amalga oshirilishiga qaratilgan ishchi guruh yig‘ilishi bo‘lib o‘tdi.
2024-08-01 18:00:00 / Vazirlik yangiliklari
Ma’lumot uchun: GRACE dasturi 2021-yilda BMT Giyohvand moddalar va jinoyatchilik bo‘yicha boshqarmasi tomonidan ishga tushirilgan. Dasturning maqsadi – ta’lim va o‘zaro aloqalarning transformatsion kuchidan foydalangan holda yoshlar orasida korrupsiyaga qarshi murosasiz munosabatni shakllantirish.
Mazkur dasturni O‘zbekistonda joriy etish tashabbusi Prezident Shavkat Mirziyoyev tomonidan Korrupsiyaga qarshi kurashish sohasida yuksak xalqaro mukofotni topshirish marosimida ilgari surilgan
Dastlab, dasturning amalga oshirilishiga mas’ul bo‘lgan davlat organlari va tashkilot vakillari dastur ijrosi bo‘yicha amalga oshirilgan hamda kelgusida rejalashtirilgan chora-tadbirlar to‘g‘risida ma’lumot berdilar.
O'tgan davr mobaynida loyiha doirasida yoshlarning ta’lim dasturlari uchun mo‘ljallangan GRACE loyihasi doirasidagi kontentlar ta’lim tiliga tarjima qilindi.
Huquqni muhofaza qilish akademiyasining korrupsiyaga qarshi kurashish sohasida ta’lim va tadqiqotlarni amalga oshiruvchi 10 ga yaqin professor o‘qituvchilari The anti-corruption academic (ACAD) ga a’zo bo‘lishi ta’minlandi.
Yig‘ilish so‘ngida ishchi guruh a’zolariga yangi o'quv yilida dastur doirasida o'quvchi-yoshlarni sifatli o'quv materiallari bilan ta'minlash jarayonlarini jadallashtirish lozimligi ta’kidlandi.