“Mirzo Ulug‘bek vorislari” tanlovi Respublika bosqichi g‘oliblari tantanali ravishda taqdirlandi!
2026-05-22 19:00:00 / Vazirlik yangiliklari
To‘rt kun davom etgan ushbu bellashuvlar davomida respublikamizning barcha hududlaridan kelgan iqtidorli yoshlar o‘z bilim va salohiyatlarini sinovdan o‘tkazishdi.
Bellashuvlar doirasida yoshlar nafaqat ilmiy loyihalarini taqdim etdilar, balki o‘zaro tajriba almashish, yangi do‘stlar orttirish va ilmiy hamkorliklarni yo‘lga qo‘yish imkoniyatiga ega bo‘lishdi.
22-may kuni g‘oliblarni tantanali taqdirlash marosimi bo‘lib o‘tdi. Marosimda “Ulug‘bek” jamg‘armasi raisi, akademik Oqil Salimov Umurzoqovich, Yoshlar ishlari agentlik direktorining ma’naviyat va davlat tili masalalari bo‘yicha maslahatchisi Abduqodirov Nodir Abduqayumovich, Prezident huzuridagi Davlat siyosati va boshqaruvi akademiyasi rektori Salixov Jasur Shavkatovich, Toshkent davlat iqtisodiyot universiteti rektori Teshaboyev To‘lqin Zokirovich, O‘zbekiston Respublikasi Qishloq xo‘jaligi vazirining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yicha maslahatchisi Buronov Mizrob Mavlonovich shuningdek, bir qator oliy ta’lim muassasalari rahbarlari ishtirok etdi.