O‘quvchilari o‘rtasida “Zakovat” musobaqasining respublika bosqichi bo‘lib o‘tdi
2026-04-29 14:00:00 / Vazirlik yangiliklari
Yurtimizdagi jami 509 ta o‘rta maxsus va kasbiy ta’lim muassasalarini qamrab olgan musobaqaning hal qiluvchi bosqichi o‘tkazildi.
Tadbir Oliy ta'lim, fan va innovatsiyalar vazirligi, Milliy mass-mediani qo‘llab-quvvatlash va rivojlantirish jamoat fondi, Yoshlar ishlari agentligi hamda “Zakovat intellektual klubi“ NNT hamkorligida tashkil etildi.
Hududiy saralash bosqichi orqali respublika bosqichiga yetib kelgan 42 ta ta’lim tashkiloti jamoalari o‘rtasida shiddatli raqobat ostida o‘tgan musobaqa yakunida quyidagi jamoalar sovrinli o‘rinlarni egalladi:
1-o‘rin: "Yosh chegarachilar" harbiy-akademik litseyi jamoasi
2-o‘rin: IIV Farg‘ona akademik litseyi jamoasi
3-o‘rin: Samarqand iqtisodiyot va servis instituti akademik litseyi jamoasi
Mazkur jamoalarning har bir a’zosiga tashkilotchilar tomonidan noutbuklar sovg‘a qilindi.
Endilikda ushbu jamoalar a’zolari oliy ta’lim muassasalariga bazaviy to‘lov-kontrakt asosida imtihon sinovlarisiz qabul qilinadi.
Shuningdek, ularning har biriga bir o‘quv yili davomida har oy “Zakovat” stipendiyasi to‘lab boriladi.