Oliy ta’lim tashkilotlari rahbar xodimlari uchun seminar tashkil etildi
2026-02-23 11:10:00 / Vazirlik yangiliklari
23-fevral kuni Oliy ta’lim, fan va innovatsiyalar vazirligida davlat rahbarining 2025-yil 19-sentabrdagi PF-173-son Farmoni hamda 2025-yil 14-fevraldagi PQ-61-son qarorida belgilangan vazifalar ijrosini ta’minlashga bag‘ishlangan seminar bo‘lib o‘tdi.
Unda oliy ta’lim tashkilotlarining yoshlar masalalari va ma’naviy-ma’rifiy ishlar bo‘yicha birinchi prorektorlari, o‘quv ishlari bo‘yicha prorektorlari hamda tegishli mas’ul bo‘linma rahbarlari ishtirok etdi.
Seminar davomida oliy ta’lim muassasalarida tahsil olayotgan talabalarning census.stat.uz portalida to‘liq ro‘yxatdan o‘tishini ta’minlash uchun zarur shart-sharoitlar yaratish, shuningdek, “Kelajakka qadam” dasturi doirasida bitiruvchi talabalarning amaliyotini moliyalashtirish tartibini joriy etish masalalari muhokama qilindi.
Yig‘ilish yakunida amalga oshirilayotgan ishlar samaradorligini yanada oshirish, belgilangan vazifalarni o‘z vaqtida va sifatli bajarish yuzasidan mas’ullarga tegishli ko‘rsatmalar berildi.