O‘zbekiston Respublikasi Oliy taʼlim, fan va innovatsiyalar vazirligi

O.Mahkamov, shuningdek, institut doktarantlari va yosh tadqiqotchilari bilan uchrashdi. Muloqot davomida respublikada oliy ta’limdan keyingi ta’lim tizimi faoliyati samaradorligini oshirish chora-tadbirlari, yosh olimlarning fundamental va ilmiy tadqiqotlarini amalga oshirish uchun mavjud imkoniyatlar, o‘z yechimini kutib turgan masalalar hamda istiqbolli rejalar muhokama qilindi.

Institut yosh tadqiqotchilari hamda doktarantlar OAK va xorijdagi nufuzli ilmiy jurnallar uchun maqolalar tayyorlash, qisqa muddatli kurslar tashkil qilish, xorij safarlariga chiqish, ilmiy tadqiqotlar olib borish bo‘yicha tizimli videodarslarni tayyorlash kabi masalalar yuzasidan savollariga javob olishdi.

Kunning ikkinchi yarmida vazir o‘rinbosari institut talabalar turar joyida istiqomat qiluvchi yoshlar bilan uchrashdi. Samimiy muloqot davomida O.Mahkamov Oliy ta’lim fan va innovatsiyalar vazirligi tomonidan amalga oshirilayotgan istiqbolli ishlar va strategik rejalar, talaba-yoshlarning ilmiy-innovatsion hamda start up loyihalarda ishtiroki kabi muhim masalalar borasida o‘z fikr-mulohazalarini bildirib o‘tdi. 

Yoshlar tomonidan bildirilgan barcha taklif va mulohazalar bo‘yicha mas’ullarga tegishli topshiriqlar berilib, ularning ijrosi nazoratga olindi.