Oliy ta’lim, fan va innovatsiyalar vazirligida Filippin Respublikasining O‘zbekistondagi elchisi Roberto Manalo bilan uchrashuv bo‘lib o‘tdi
2024-06-03 20:25:00 / Vazirlik yangiliklari
2024-yil 3-iyun kuni Oliy ta’lim, fan va innovatsiyalar vazirligida Filippin Respublikasining O‘zbekistondagi elchisi Roberto Manalo bilan uchrashuv bo‘lib o‘tdi. Mehmonni vazir o‘rinbosari Otabek Mahkamov qabul qildi.
Uchrashuv doirasida oliy va professional ta’lim, ilmiy-texnik hamkorlik yo‘nalishlarida aloqalarni rivojlantirish bo‘yicha fikr almashildi. Tomonlar talaba va professor o‘qituvchilar almashinuvini yo‘lga qo‘yish, qo‘shma ilmiy dasturlar ishlab chiqish imkoniyatlarini muhokama qildilar.