Shushada Turkiy Davlatlar Tashkilotiga aʼzo davlatlar taʼlim vazirlarining yigʻilishi oʻz ishini boshladi
2024-06-01 15:55:00 / Vazirlik yangiliklari
Qorabogʻ hududida joylashgan Shusha shahrida taʼlim sohasidagi muhim voqea – Turkiy davlatlar tashkilotiga aʼzo davlatlar taʼlim vazirlarining yigʻilishi boʻlib oʻtmoqda. Mazkur tadbir tashkilotga aʼzo davlatlarda taʼlim tizimini rivojlantirishning asosiy masalalari va strategiyalarini muhokama qilish uchun muhim maydonga aylandi.
Turkiy davlatlar tashkilotiga aʼzo davlatlar taʼlim vazirlarining yigʻilishida Oʻzbekiston Respublikasi oliy taʼlim, fan va innovatsiyalar vaziri Qoʻngʻirotboy Sharipov ishtirok etmoqda.
Yigʻilishda taʼlim jarayonlariga zamonaviy texnologiyalarni joriy etish, ilmiy tadqiqotlar sohasida hamkorlikni mustahkamlash, ilgʻor tajriba va oʻqitish usullari boʻyicha tajriba almashinuvi, qoʻshma taʼlim va ilmiy dasturlarini ishlab chiqish masalalari muhokama qilindi. Uchrashuv ishtirokchilari bunday uchrashuvlar turkiy davlatlar oʻrtasidagi madaniy-maʼrifiy aloqalarni mustahkamlashga xizmat qilishiga ishonch bildirdilar.