Oliy taʼlim muassasalarining AKT sohasiga masʼul boʻlgan rahbarlari uchun trening o'tkazildi
2024-05-30 19:50:00 / Vazirlik yangiliklari
Joriy yilning 30-may kuni Oliy taʼlim, fan va innovatsiyalar vazirligi tomonidan Huawei kompaniyasi bilan hamkorlikda oliy taʼlim muassasalarining axborot-kommunikatsiya texnologiyalari sohasiga masʼul boʻlgan rahbarlari (Chief Digital Officer — CDO) uchun trening tashkil etildi.
Mazkur tadbir Muhammad al-Xorazmiy nomidagi Toshkent axborot texnologiyalari universiteti binosida gibrid formatda tashkil etilib, 100 nafardan ortiq tinglovchilarni qamrab oldi.
Tadbirni Oliy ta'lim, fan va innovatsiyalar vaziri maslahatchisi Bobur Rahimov kirish so‘zi bilan ochib berdi. Ma’ruzachilar tomonidan Huawei kompaniyasining AKT Akademiyasi faoliyati va O‘zbekistonda iste’dodlarni rivojlantirish ekotizimi, Sun'iy intellekt modellarining turli sohalarda, xususan ta'limda qo'llanilishi, Smart Campus konsepsiyasi va ta’lim sohasini raqamlashtirishga qaratilgan yechimlar haqida foydali va dolzarb mavzular tinglovchilarga yetkazildi.