“Barkamol avlod” sport musobaqalarining g‘olib va sovrindorlari bo‘lgan jamoalarga “Prezident sovg‘asi”ni hamda “Talabalar ligasi” sport musobaqalarini respublika bosqichi g‘oliblarini tantanali taqdirlash marosimi bo‘lib o‘tdi.
2024-05-28 14:30:00 / Vazirlik yangiliklari
Tadbirni Bosh vazir o‘rinbosari Zulayxo Mahkamova hamda Oliy ta’lim, fan va innovatsiyalar vaziri Qo‘ng‘irotboy Sharipov kirish so‘zi bilan ochib, musobaqa g‘olib va sovrindirlariga tabrik yo‘llashdi.
– “Qaysi davlatda sport rivojlangan bo‘lsa, o‘sha davlat qudratli hisoblanadi. Agar biz o‘z davlatimizni qudratli qilishni istasak, hammamiz sport bilan shug‘ulanishini kerak” deb, barchani sport bilan shug‘ullanishga targ‘ib qildi, – dedi Qo‘ng‘irotboy Sharipov.
Musobaqa sportning 16 ta turi – badminton, basketbol, belbog‘li kurash, voleybol, gandbol, dzyudo, yengil atletika, kurash, futbol, stol tennisi, stritbol, erkin va Yunon-Rum kurashi, shaxmat, shashka, vorkaut bo‘yicha o‘tkazilib, g‘olib va sovrindorlar munosib taqdirlandi.
Musobaqalarning birinchi – ta’lim muassasasi bosqichida 96 ming 424 nafar, ikkinchi – tuman-shahar bosqichida 72 ming 436 nafar, uchinchi hududiy bosqichda 22 ming 924 nafar, to‘rtinchi – respublika final bosqichida 2 ming 464 nafar o‘quvchi-yoshlar ishtirok etgan.
Respublika final bosqichining yakuniy natijalariga ko‘ra musobaqalarda faxrli 1, 2 va 3-o‘rinlarni egallagan terma jamoalar 192 million so‘mlik “Prezident sovg‘asi” to‘plami bilan taqdirlandi.
1-o‘rin – Toshkent shahri
2-o‘rin – Buxoro viloyati
3-o‘rin – Andijon viloyati
Shuningdek, oliy ta’lim muassasalari talabalari o‘rtasida ilk marta ommaviy ravishda o‘tkazilgan “Talabalar ligasi” sport musobaqalarining g‘olib va sovrindorlari ham mazkur tadbirda tantanali taqdirlandi.
Sportning futbol, basketbol, voleybol, stol tennisi, shaxmat turlari bo‘yicha o‘tkazilgan “Talabalar ligasi” sport musobaqalarida respublika bo‘yicha jami 12 ming 365 ta jamoa faol ishtirok etdi.
Musobaqalarning 1-bosqichida 147 ta OTMdan 562 ming 154 nafar, 2-bosqichida 21 ming nafar, 3-respublika bosqichida 42 ta OTMning mingdan ortiq talaba-yoshlari o‘zaro bellashdilar.
Basketbol (ayollar)
1-o‘rin – Farg‘ona davlat universiteti
2-o‘rin – Namangan davlat universiteti
3-o‘rin – Andijon davlat universiteti
Basketbol (erkaklar)
1-o‘rin – Stars International University
2- o‘rin – Urganch davlat universiteti
3-o‘rin – O‘zbekiston davlat jismoniy tarbiya va sport universiteti
Voleybol (ayollar)
1-o‘rin – Namangan davlat universiteti
2-o‘rin –Buxoro davlat universiteti
3-o‘rin – Urganch davlat universiteti
Voleybol (erkaklar)
1-o‘rin –Buxoro davlat universiteti
2-o‘rin – O‘zbekiston davlat jismoniy tarbiya va sport universiteti
3-o‘rin – Stars International University
Stol tennisi
1-o‘rin – Urganch davlat universiteti
2-o‘rin – O‘zbekiston davlat jismoniy tarbiya va sport universitet
3-o‘rin – Farg‘ona davlat universiteti
Shaxmat (erkak)
1 o‘rin – Toshkent davlat iqtisodiyot universiteti
2-o‘rin – TATU Qarshi filiali
3-o‘rin – Samarqand davlat arxitektura qurilish universiteti
Shaxmat (ayollar)
1-o‘rin – Toshkent davlat iqtisodiyot universiteti
2-o‘rin – Buxoro davlat universiteti
3-o‘rin – Qoraqalpoq davlat universiteti
Futbol (futzal)
1-o‘rin – Stars International University
2-o‘rin – Farg‘ona davlat universiteti
3-o‘rin – Andijon davlat universiteti
Taqdirlash marosimida musiqiy chiqish, iqtidorli talabalar ishtirokidagi lazgi raqsi va Jahongir Poziljonovning sho‘x taronalari barchaga yanada yuqori kayfiyat bag‘ishladi.