Bugun “Taraqqiyot strategiyasi” markazida “O‘zbekiston – 2030” strategiyasi loyihasi doirasida “Ta’lim tizimini takomillashtirish: maqsad va vazifalar” mavzusida matbuot anjumani bo‘lib o‘tdi.
2026-01-20 14:05:00 / Vazirlik yangiliklari
Tadbirda “O‘zbekiston – 2030” strategiyasi loyihasida ta’lim, fan va innovatsiyalar sohasiga oid belgilangan ustuvor vazifalar, amalga oshirilayotgan islohotlar hamda kutilayotgan natijalar yuzasidan batafsil axborot berildi.
Xususan, 2025-yil davomida Strategiya doirasida oliy ta’lim bilan qamrov darajasi 44 foizdan oshirildi, kasbiy ta’lim tizimida malaka toifasiga ega pedagoglar ulushi 35,8 foizga yetkazildi. Ilmiy-tadqiqot faoliyati samaradorligi oshib, fundamental va amaliy tadqiqotlarni moliyalashtirish ko‘lamlari kengaytirildi. Yosh tadqiqotchilarni qo‘llab-quvvatlash, innovatsion ishlanmalarni tijoratlashtirish hamda ta’lim muassasalarining moddiy-texnik bazasini mustahkamlash borasida tizimli ishlar amalga oshirildi.
Shuningdek, tadbir davomida OAV vakillarining mavzuga oid savollariga mas’ullar tomonidan atroflicha javoblar berildi.
Ma’lumot o‘rnida: “O‘zbekiston – 2030” strategiyasi loyihasi yuzasidan taklif va tashabbuslar uzbekistan2030.uz hamda regulation.gov.uz platformalari orqali qabul qilinmoqda.