«Microsoft Fabric» dasturiy taʼminoti O'zbekiston dasturchi-muhandislariga taqdim etildi
2024-05-20 15:40:00 / Vazirlik yangiliklari
20-may kuni “Mirzo Ulugʻbek vorislari” tayyorlov oʻquv kursi tinglovchilari uchun «Microsoft Fabric» dasturiy taʼminotidan foydalanish boʻyicha oʻtkaziladigan seminarning ochilish marosimi boʻlib oʻtdi. Seminarni Oliy taʼlim, fan va innovatsiyalar vaziri Qoʻngʻirotboy Sharipov hamda Raqamli texnologiyalar vaziri Sherzod Shermatov ochib berdi.
Seminar AQSHning Microsoft kompaniyasi tomonidan ishlab chiqilgan “Microsoft Fabric” dasturi imkoniyatlarini yosh dasturchi-muhandislarga, talaba va doktorantlarga tanishtirishga qaratilgan. “Microsoft Fabric” dasturi sunʼiy intellekt asosida katta hajmdagi maʼlumotlarni nazorat qilish va ulardan foydalanish imkoniyatini beradi.