Qoraqalpogʻistondagi oliygohlar oʻquv binosi va bunyod etilayotgan yotoqxona qurilishi ko‘zdan kechirildi
2024-05-16 13:55:00 / Vazirlik yangiliklari
Vazir oʻrinbosari dastlab Nukus davlat pedagogika institutida bo‘lib, yangi oʻquv binosidagi xonalar, laboratoriyalar, axborot-resurs hamda axborot texnologiyalari markazlaridagi sharoitlar bilan tanishdi.
Shuningdek, oʻquv binosi qoshida qurilishi rejalashtirilgan sport maydonchasini ko‘zdan kechirib, hududda talabalar uchun qo‘shimcha qulayliklar yaratish yuzasidan tavsiyalarini berdi.
Shundan so‘ng keyingi manzil Berdaq nomidagi Qoraqalpoq davlat universiteti bo‘ldi. Bu yerda yangidan bunyod etilayotgan 400 o‘rinli talabalar turar joyida amalga oshirilayotgan qurilish ishlari bilan tanishilib, yoshlarning bo‘sh vaqtlarini mazmunli o‘tkazish, ovqatlanish, shuningdek, boshqa sharoitlarni yaratish doirasidagi ishlar bo‘yicha universitet masʼullari bilan fikr almashildi.
S.Buzrukxonov qurilishni belgilangan vaqtda sifatli yakunlash bo‘yicha masʼullarga tegishli ko‘rsatmalar berdi.