Vaziri o‘rinbosari Jizzax viloyatidagi oliy ta’lim muassasalarining ilmiy va innovatsion faoliyatini ko‘zdan kechirdi
2024-05-11 10:10:00 / Vazirlik yangiliklari
11-may kuni Oliy ta’lim, fan va innovatsiyalar vaziri o‘rinbosari Otabek Mahkamov Jizzax viloyatida xizmat safarida bo‘lib, Jizzax davlat pedagogika universiteti hamda O‘zbekiston Milliy universiteti Jizzax filiali faoliyati bilan tanishdi.
Dastlab, Jizzax davlat pedagogika universiteti ilmiy-innovatsion faoliyati hamda universitetning bosh binosida tashkil etilgan “Steam park” ilmiy-tadqiqot laboratoriyasida olib borilayotgan amaliy va innovatsion loyihalar ko‘zdan kechirildi.
Shundan so‘ng, O‘zbekiston milliy universiteti Jizzax filialining Inkubatsiya markazida talabalarning innovatsion loyihalari bilan tanishildi. “Biotexnologiya’’ labaratoriyasida vazir o‘rinbosariga “Yosh biotexnologlar” loyihasi taqdimot qilindi.
Uchrashuvlar davomida ilmiy, amaliy hamda innovatsion loyihalarni amalga oshirish jadallashtirish yuzasidan mas’ullarga tegishli tavsiya va ko‘rsatmalar berildi.