Xalqaro donor tashkilotlar bilan kasbiy ta’lim tizimini rivojlantirish bo‘yicha 2026-yil uchun belgilangan ustuvor yo‘nalishlar belgilab olindi
2025-12-10 19:00:00 / Vazirlik yangiliklari
Unda O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari Hilola Umarova, Oliy ta’lim, fan va innovatsiyalar vaziri Qo‘ng‘irotboy Sharipov, YuNESKOning O‘zbekistondagi vakolatxonasi rahbari Sara Noshadi, Kasbiy ta’lim agentligi direktori Azimjon Husanov hamda xalqaro donor tashkilotlarning 30dan ortiq vakillari ishtirok etdi.
Anjumanda kasbiy ta’lim tizimini modernizatsiya qilish, ta’lim sifati va xalqaro hamkorlikni rivojlantirish, oʻquvchilarning dual taʼlim bilan qamrovini oshirish hamda ularga stipendiya to‘lash amaliyotini joriy qilish masalalari muhokama qilindi.
Muloqotda O‘zbekiston Respublikasi Prezidentining kasbiy ta’lim tizimini rivojlantirishga qaratilgan qaror va farmonlari mazmun-mohiyati va uning ahamiyati, kadrlar tayyorlash sifatini oshirish, moddiy-texnika bazani mustahkamlash hamda ish beruvchilar bilan hamkorlikni kuchaytirish masalalariga alohida urg‘u berildi.
Shuningdek, kasbiy ta’lim tizimini isloh qilish bo‘yicha xalqaro donor tashkilotlar tomonidan 2025-yilning o‘tgan davri mobaynida amalga oshirilgan ishlar hamda kelgusi yil uchun belgilangan ustuvor yo‘nalishlar yuzasidan taqdimotlar o‘tkazildi.