Vazirlik tizim tashkilotlari hamda oliy taʼlim muassasalarining yuridik xizmat va kadrlar boʻlimi xodimlari uchun seminar tashkil etildi
2024-04-29 15:15:00 / Vazirlik yangiliklari
Tadbirni dastlab vazir oʻrinbosari Otabek Mahkamov ochib, oliy ta’lim tizimida pedagoglarning bugungi kunda maqomiga to‘xtaldi va yangi qonunning ahamiyati hamda mohiyati haqida so‘zlab berdi. Ushbu qonun talablarining bajarilishida kadrlar xizmati xodimlari va yuristlardan alohida masʼuliyat talab qilinishi, bugungidek oʻquv jarayonlari esa ularning mazkur yoʻnalishdagi ish sifatini yanada oshirishini taʼkidlab oʻtdi.
Seminarning asosiy qismida “Yurist va kadr” nodavlat taʼlim mussasasi rahbari Saidali Muxtoraliyev va Toshkent davlat yuridik universiteti katta oʻqituvchisi Muhammadamin Karimjonovlar tomonidan ishtirokchilarga 2024-yil 1-fevraldan kuchga kirgan “Pedagogning maqomi to‘g‘risida”gi qonunni amaliyotda qoʻllash yuzasidan muhim maʼlumotlar berildi.
So‘ng savol-javoblarga oʻtilib, bu qism qizgʻin munozaralarga boy boʻldi. Seminar yakunida ishtirokchilarga zaruriy hujjatlardan namunalar berildi.