Uch kun davomida tashkil etilgan tadbirlarda talabalar tomonidan folklor, xalq og‘zaki ijodidan chiqishlar, adiblar hayoti va ijodiga bag‘ishlangan sahna ko‘rinishlari, QvZ jamoalari chiqishlari namoyish etildi. Karaoke va “Erkin mikrofon” loyihalari tashkil qilindi, kuy-qo‘shiqlar jarangladi, shuningdek, respublikamiz hududlarining milliy urf-odat, anʼana va qadriyatlari tarannum etildi. 

Ayniqsa, markazlashgan holda tashkil etilgan Zakovat intellektual turnirlari ko‘pchilikda katta qiziqish uyg‘otdi, adrenalin ulashdi. 

Eng asosiysi, ushbu bayram sayli barcha talaba-yoshlarga va poytaxtimiz mehmonlariga birdek manzur keldi. Sayl yakunidagi xulosalarga ko‘ra, bunday ko‘ngilochar bayram tadbirlarini barcha viloyatlarda tashkil etish rejalashtirildi.