O‘zbekiston Respublikasi Oliy taʼlim, fan va innovatsiyalar vazirligi

Mazkur tadbir Iqtisodiyot va moliya vazirligi mutasaddilari bilan hamkorlikda o‘tkazilib, unda vazirlik bo‘linmalari, tizimga kiruvchi tashkilotlar rahbarlari, ichki nazorat bo‘yicha mas’ullar, audit va moliyaviy nazorat sohasi xodimlari ishtirok etdi. 

Seminarda Iqtisodiyot va moliya vazirligi mutaxassisi “Davlat sektorida ichki nazorat va xavflarni boshqarish tizimi” mavzusidagi ma’ruza bilan qatnashdi. Ma’ruzada davlat sektorida ichki nazorat tizimining zamonaviy talablari, risklarni aniqlash va baholashning metodik yondashuvlari, audit faoliyatidagi standartlar, shuningdek, ichki nazoratning xalqaro amaliyotdagi o‘rni va axamiyati haqida ma’lumot berildi.

Shuningdek, tadbir davomida davlat boshqaruvi organlarida ichki nazorat tizimini joriy etishga oid normativ-huquqiy asoslar, risklarni boshqarishning dolzarb yo‘nalishlari, nazorat jarayonlarida aniqlik, shaffoflik va xolislikni ta’minlash mexanizmlari, tizim tashkilotlaridagi ichki nazorat jarayonlari samaradorligini baholash mezonlari kabi masalalar ko‘rib chiqildi.

Alohida o‘tkazilgan savol-javob qismida seminar ishtirokchilari tomonidan amaliyotda yuzaga kelayotgan muammolar, risklarni boshqarish jarayonlaridagi qiyinchiliklar va ularning yechimlari bo‘yicha mutaxassislar bilan ochiq muloqot tashkil etildi.

Tizim tashkilotlari tomonidan ichki nazorat va xavflarni boshqarish bo‘yicha amalga oshirilayotgan ishlar yuzasidan axborot berildi. Hisobotlarda moliyaviy intizomni mustahkamlash, ichki audit mexanizmlarini kuchaytirish, potensial xavflarni barvaqt aniqlash va ularni kamaytirish bo‘yicha amalga oshirilgan ishlar taqdim etildi.