Yashil makon
2025-11-09 09:10:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov boshchiligidagi vazirlik jamoasi Toshkent viloyatining Ohangaron tumanida o‘tkazilgan ekologik hasharda faol ishtirok etdi. Tadbir doirasida asosiy yo‘l bo‘yida 1800 tupga yaqin manzarali daraxt ko‘chatlari ekildi, shuningdek, atrof-hudud maishiy chiqindilardan tozalandi.
Mazkur ezgu tashabbus nafaqat hududni obodonlashtirish, balki ekologik muhitni yaxshilash, tabiatga e’tibor va mas’uliyat tuyg‘usini kuchaytirish maqsadida amalga oshirildi.