Vazir Toshkentdagi Turin politexnika universitetining 15 yilligi marosimida ishtirok etdi
2024-04-22 15:35:00 / Vazirlik yangiliklari
Unda Oliy taʼlim, fan va innovatsiyalar vaziri Qoʻngʻirotboy Sharipov, “O‘zavtosanoat” AJ raisi Ulug‘bek Roziqulov, universitet rektori Olimjon To‘ychiyev, Politecnico di Torinoning rektori Stefano Corngatti, Turin hamda Toshkentdagi universitetlar professor-o‘qituvchilari, bitiruvchi talabalar va ularning ota-onalari qatnashdi.
Tadbirda universitetning 15 yillik tarixiga bag‘ishlangan videolavha namoyish etildi. So‘ng Oliy ta’lim, fan va innovatsiyalar vaziri Q.Sharipov hamda “O‘zavtosanoat” AJ raisi U. Roziqulov so‘zga chiqib, bitiruvchilarni yangi hayot sari qadam qo‘yayotgani bilan samimiy muborakbod etdi. Ularning kelgusi o‘qish va ish faoliyatiga muvaffaqiyat tilandi. Ta’lim jarayonida, shuningdek, universitet hayotida faol ishtirok etgan eng yaxshi 5 nafar talaba esdalik sovg‘asi va pul mablag‘i bilan mukofotlandi.
Marosimda Oliy taʼlim, fan va innovatsiyalar vaziri Qoʻngʻirotboy Sharipov, “O‘zavtosanoat” AJ raisi Ulug‘bek Roziqulov va Politecnico di Torinoning rektori Stefano Corngattiga Toshkentdagi Turin politexnika universitetining “Faxriy rektor” diplomlari topshirildi.
Shundan keyin, universitet bitiruvchilarni taqdirlash marosimi bo‘lib o‘tdi. Tantanali tadbir davomida bitiruvchilarni professor-o‘qituvchilar va ota-onalar tabriklashdi. Yakunda bayram ishtirokchilariga musiqali konsert va feyerverk uyushtirildi.