Davlat aktivlarini boshqarish agentligi xodimlari Islom sivilizatsiyasi markaziga amaliy sayohatni amalga oshirishdi
2026-03-18 15:15:00 / Yangiliklar
Davlat aktivlarini boshqarish agentligining 25 nafar xodimlari Islom sivilizatsiyasi markaziga amaliy sayohatni amalga oshirishdi. Mazkur tashrifdan koʻzlangan asosiy maqsad xodimlarning maʼnaviy-maʼrifiy saviyasini yuksaltirish, ularni milliy va umuminsoniy qadriyatlar ruhida tarbiyalash, shuningdek, boy tarixiy va madaniy merosimiz bilan yaqindan tanishtirishdan iborat boʻldi.
Sayohat davomida ishtirokchilar markazda joylashgan zamonaviy interaktiv ekspozitsiyalar, noyob qoʻlyozmalar, qadimiy kitoblar va tarixiy manbalar bilan tanishdilar. Ayniqsa, Islom sivilizatsiyasining ilm-fan, madaniyat va maʼrifat rivojiga qoʻshgan ulkan hissasi haqidagi maʼlumotlar xodimlarda katta taasurot qoldirdi.
Amaliy sayohat davomida xodimlar oʻzaro fikr almashib, oʻzlarini qiziqtirgan savollarga javob oldilar. Bunday maʼnaviy-maʼrifiy tadbirlar jamoada korporativ madaniyatni mustahkamlash, xodimlarning dunyoqarashini kengaytirish va ularning ish faoliyatida yangi gʻoya va tashabbuslarni shakllantirishda muhim omil boʻlib xizmat qiladi.
