Respublika hududlarida 2026-yil hosili uchun kuzgi boshoqli don ekinlarini ekish uchun yer tayyorlash va ekish ishlari “O‘zagroinspeksiya” tomonidan nazorat qilib borilmoqda
2025-10-23 16:05:00 / Yangiliklar
Ushbu muhim agrotexnik tadbirlarni o‘z muddatida, sifatli amalga oshirilishi yuzasidan joylarda “O‘zagroinspeksiya” tomonidan doimiy nazorat tadbirlari olib borilmoqda.
Xususan, bugungi kungacha joylarda kuzgi g‘alla ekish ishlarining borishi yuzasidan 15 593 ta nazorat tadbirlari o‘tkazilib, o‘tkazilgan nazorat tadbirlari davomida 8 992 ta fermer xo‘jaliklarining 57 ming 284 gektar maydonlarida kamchiliklar aniqlangan.
Masalan, 2 335 ta fermer xo‘jaliklarining 14 644 gektar g‘alla ekiladigan maydonlarida dala (karta) atrofini qo‘shmasdan (konturlar yaxlitligini ta’minlamasdan) yer tayyorlaganligi;
4 363 ta fermer xo‘jaliklarining 25 536 gektar g‘alla ekiladigan maydonlari sifatsiz (notekis, kesakli) tayyorlanganligi;
450 ta fermer xo‘jaligining 3 777 gektar maydonida sifatsiz (notekis, kesakli) yer tayyorlanib, g‘alla ekib yuborilganligi;
257 ta fermer xo‘jaliklarining 1 077 gektar maydoniga mineral o‘g‘it (fosforli) berilmasdan g‘alla ekib yuborilganligi aniqlandi.
Aniqlangan kamchiliklarni bartaraf qilish va kelgusida bu kabi salbiy holatlarga yo‘l qo‘ymaslik maqsadida mahalliy hokimliklar va sohaga mas’ul rahbarlarga 206 ta taqdimnoma yuborilib, fermer xo‘jaliklariga 1 282 ta yozma ko‘rsatma hamda 14 105 ta ogohlantirishlar berildi.
Mavsum davomida hududlarda kuzgi boshoqli don ekinlarini o‘z muddatida va sifatli ekilishi yuzasidan “O‘zagroinspeksiya” tomonidan doimiy nazorat tadbirlari olib boriladi.
Qishloq xo‘jaligida agrotexnik tadbirlar o‘tkazilishini nazorat qilish bo‘limi