Agentlikda Kengash a’zolari ishtirokida navbatdagi muhim maslahat yig‘ilishi bo‘lib o‘tdi.
2026-04-14 18:10:00 / Yangiliklar
O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligida Kengash a’zolari ishtirokida navbatdagi muhim maslahat yig‘ilishi bo‘lib o‘tdi.
Yig‘ilishda:
— 1-chorakda ishlab chiqarish va eksport prognoz ko‘rsatkichlarining bajarilishi tahlil qilindi;
— 2-chorak uchun ustuvor reja va vazifalar belgilab olindi;
— jahon tekstil bozoridagi o‘zgarishlar hamda bozor konyunkturasiga oid Kengash ekspertlarining xulosalari eshitildi.
Shuningdek, Agentlik tomonidan amalga oshirilayotgan moliyaviy sog‘lomlashtirish choralarining samaradorligi muhokama qilindi.
Yig‘ilish yakunida sohani yanada rivojlantirish va eksport salohiyatini oshirishga qaratilgan muhim qarorlar qabul qilindi.