Paxta-to‘qimachilik klasterlari, to‘qimachilik hamda tikuv-trikotaj korxonalari diqqatiga!
2026-03-11 13:25:00 / Yangiliklar
2026-yil 12-mart kuni soat 14:00da Toshkent shahrida yengil sanoat sohasi vakillari ishtirokida muhim uchrashuv bo‘lib o‘tadi.
Uchrashuv O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi hamda Qishloq xo‘jaligi vazirligi tomonidan tashkil etilmoqda.
Tadbir manzili:
O‘zbekiston — Koreya o‘quv amaliy texnoparki
Mazkur uchrashuvda:
– paxta yetishtirishdan boshlab
– uni qayta ishlash
– hamda tayyor mahsulot ishlab chiqarishgacha bo‘lgan jarayonlarda yuzaga kelayotgan mavjud muammolar,
amaliy takliflar va yechimlar muhokama qilinadi.
Tadbir davomida paxta-to‘qimachilik klasterlari, to‘qimachilik va tikuv-trikotaj korxonalari, shuningdek yengil sanoat sohasidagi Jamoatchilik Kengashi a’zolari bilan ochiq muloqot tashkil etiladi.
Uchrashuv soha vakillari uchun o‘z muammolarini bevosita mutasaddi tashkilotlarga yetkazish hamda samarali takliflar bildirish uchun muhim imkoniyat bo‘lib xizmat qiladi.
Murojaat uchun:
Sodiq Boboqulov
Tel: +998 97 490 00 68
Barcha manfaatdor korxona va tashkilot vakillarini ushbu uchrashuvda faol ishtirok etishga taklif etamiz.