“O‘zbekiston – 2030” strategiyasi doirasida 2026-yil vazifalariga bag‘ishlangan davra suhbatlari tashkil etildi.
2026-01-30 / Voqealar taqvimi
O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligida “O‘zbekiston – 2030” strategiyasida belgilangan ustuvor vazifalarni 2026-yilda samarali amalga oshirish masalalariga bag‘ishlangan davra suhbatlari bo‘lib o‘tdi.
Tadbirda Agentlik rahbariyati, tizim tashkilotlari vakillari, soha mutaxassislari hamda hamkor tashkilotlar ishtirok etdi. Davra suhbati davomida yengil sanoat tarmog‘ini yanada rivojlantirish, ishlab chiqarish hajmini oshirish, eksport salohiyatini kengaytirish, investitsiyalarni jalb etish hamda zamonaviy texnologiyalarni joriy qilish bo‘yicha belgilangan vazifalar muhokama qilindi.
Shuningdek, “O‘zbekiston – 2030” strategiyasida ko‘zda tutilgan islohotlarning mazmun-mohiyati, ularni hududlarda samarali amalga oshirish mexanizmlari hamda natijadorlik ko‘rsatkichlarini ta’minlash masalalariga alohida e’tibor qaratildi. Har bir yo‘nalish bo‘yicha aniq chora-tadbirlar rejasi ishlab chiqilib, mas’ul ijrochilar belgilandi.
Tadbir yakunida ishtirokchilar tomonidan ilgari surilgan taklif va tashabbuslar umumlashtirilib, 2026-yilda amalga oshiriladigan ustuvor vazifalar yuzasidan kelgusidagi harakatlar rejasi belgilab olindi.
Agentlik tomonidan “O‘zbekiston – 2030” strategiyasida belgilangan maqsad va vazifalarni o‘z vaqtida hamda sifatli amalga oshirish bo‘yicha tizimli ishlar izchil davom ettiriladi.