Soliq va budjet siyosatining 2026-yilga mo‘ljallangan asosiy yo‘nalishlari belgilandi
2026-01-08 14:30:00 / Yangiliklar
O‘zbekiston Respublikasining “Soliq va budjet siyosatining 2026-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1108-son Qonuni 2025-yil 25-dekabrda qabul qilingan.
Mazkur Qonun mebelsozlik va zargarlik sohalarida faoliyat yuritayotgan tadbirkorlik subyektlarini har tomonlama qo‘llab-quvvatlashga, yuqori qo‘shilgan qiymatga ega mahsulotlarni ishlab chiqarish va tashqi bozorlarga eksport qilishni kengaytirishga, aholining daromadlarini oshirishga hamda mintaqalarda barqaror iqtisodiy o‘sishni ta’minlashga ham yo‘naltirilgan.
Shuningdek, paxta-to‘qimachilik klasterlari, to‘qimachilik va tikuv-trikotaj sanoati korxonalari 2025-yil 1-sentabrdan 2028-yil 1-sentabrga qadar bo‘lgan davrda ijtimoiy soliqni 1 foiz miqdordagi soliq stavkasi bo‘yicha to‘lashi belgilangan.
Shu bilan birga, O‘zbekiston Respublikasining Ma’muriy javobgarlik to‘g‘risidagi kodeksiga, “Sud hujjatlari va boshqa organlar hujjatlarini ijro etish to‘g‘risida”gi Qonuniga, O‘zbekiston Respublikasining Iqtisodiy protsessual kodeksiga, O‘zbekiston Respublikasining Soliq kodeksiga, “Davlat boji to‘g‘risida”gi Qonuniga, “Aholi bandligi to‘g‘risida”gi Qonuniga, “Auditorlik faoliyati to‘g‘risida”gi Qonuniga, “Soliq maslahatiga oid faoliyat to‘g‘risida”gi Qonuniga tegishli o‘zgartirish va qo‘shimchalar kiritilgan.
