Namangan viloyati delegatsiyasi xalqaro forumda qatnashmoqda
2025-06-01 18:50:00 / Yangiliklar
Forum doirasida Namangan viloyati hokimining o‘rinbosari O.Inamov Xitoyning Guychjou provinsiyasi gubernatori o‘rinbosari In Yugan boshchiligidagi delegatsiya bilan rasmiy uchrashuv o‘tkazdi. Uchrashuv davomida ikki xudud o‘rtasida savdo-iqtisodiy, investitsion, ta’lim, madaniyat va IT sohalarida hamkorlikni yangi bosqichga olib chiqish yuzasidan kelishib olindi.
Ma’lumot uchun: Namangan viloyati bilan Xitoyning Guychjou provinsiyasi 2024-yil 9 dekabrda Xitoyning Guyang shahrida "Qardosh" xududlar kelishuvi imzolangan.
Guychjou provinsiyasi Xitoyning janubiy-g‘arbida joylashgan hududi bo‘lib, bu yerda 40 milliondan ortiq aholi istiqomat qiladi. Yer maydoni 177 ming km.2 ni tashkil etadi. Yalpi hududiy mahsaloti 297 mlrd. dollarni tashkil etib, aholi jon boshiga 7688 dollar to‘g‘ri keladi. Iqtisodida konchilik, energetika, turizm va o‘rmonchilik asosiy o‘rin egallaydi.
Uchrashuv yakunida mehmonlarni Namanganda o‘tkazilayotgan 64-Xalqaro "Gullar festivali"ga taklif etildi.