O‘zbekiston Respublikasi Madaniyat vazirligi

Samarqand shahri                                                                                                         2024-yil, 26–30- avgust          

YUNESKO shafeligida 26-30-avgust kunlari “Yer yuzining sayqali” deb nom olgan qadimiy va betakror Samarqandda “Sharq taronalari” XIII xalqaro musiqa festivali bo‘lib o‘tdi.

“Sharq taronalari” Markaziy Osiyodagi eng katta festivallardan biri sanaladi. Festival o‘tkazilishidan asosiy maqsad milliy musiqa san’atida erishilgan yutuqlarni keng ommaga tatbiq qilish, millatlarning madaniyat va an’analarini asrash va rivojlantirish, sozandalik va xonandalik yo‘nalishidagi iqtidorli yoshlarni qo‘llab-quvvatlash, shuningdek, xalqaro ijodiy aloqalarni kengaytirish, tinchlik, do‘stlik va o‘zaro bag‘rikenglik g‘oyalarini targ‘ib qilishdan iborat.

1997-yilda tashkil etilib, ilk marotaba o'tkazilgan “Sharq taronalari” xalqaro musiqa festivalida 31 ta davlatdan musiqiy guruhlar va ijrochilar tashrif buyurishgan bo‘lsa  2019-yilda o‘tkazilgan XII “Sharq taronalari” xalqaro  musiqa festivalida ishtirokchi davlatlar soni 75 taga yetgan.

2024-yilning 26-30-avgust kunlari o‘tkazilishi rejalashtirilgan “Sharq taronalari” XIII xalqaro musiqa festivalida dunyoning 80 ga yaqin mamlakatlaridan 300 nafarga yaqin vakillar qatnashishdi.

26–avgust kuni Samarqand shahrida “Sharq taronalari” XIII xalqaro musiqa festivalining tantanali ochilish marosimi bo‘lib o‘tdi. Unda, 400 nafardan ziyod san’atkor, olimlar va vakillar qatnashishdi.

Festivalning ochilish marosimida O‘zbekiston Respublikasi Prezidenti Shavkat Mirziyoyev ishtirok etib, nutq so‘zladi. Nutqi davomida “Sharq taronalari” festivali, mohiyat e’tiboriga ko‘ra, bugungi kunda “jahon taronalari” anjumaniga aylanganini ta’kidladi.

Shuningdek, Davlat rahbari xalqlar o‘rtasida do‘stlik va ahillikni mustahkamlash, musiqiy merosni o‘rganish va kelgusi avlodlarga yetkazish masalalariga e’tibor qaratdi. Shu nuqtai nazardan, “Sharq taronalari” festivali tarixi va musiqa madaniyatiga doir ma’lumotlarni o‘zida mujassam etadigan alohida ensiklopediya va uning virtual shaklini yaratish, anjumanning xalqaro “Do‘stlar klubi”ni tashkil etish tashabbusi ilgari surildi. Festivalning g‘olib va sovrindorlari ishtirokida dunyo mamlakatlarining nufuzli sahnalarida konsert dasturlarini o‘tkazish taklifi bildirildi.

27-28-avgust kunlari “Sharq xalqlari musiqa madaniyati: globallashuv jarayonlarida ijodiy uyg‘unlashuv tamoyillari” mavzusidagi Xalqaro ilmiy-amaliy konferensiya o‘tkazildi. Ushbu ilmiy-amaliy konferensiyaga ilk bora 32 ta xorijiy davlatlardan 50 nafardan ziyod sohaning eng yetuk mutaxassislari, jumladan musiqashunos, folklorshunos, madaniyatshunos olimlar, nufuzli oliy ta’lim muassasalari rektorlari va xalqaro ilmiy tadqiqot institutlari hamda ilmiy-ijodiy markazlar rahbarlari ishtirok etishdi.

Shuningdek, Xalqaro ilmiy-amaliy konferensiyada,

Turkiy davlatlar ya’ni, Turkiya, Qozog‘iston, Qirg‘iziston, Ozarbayjon, O‘zbekiston davlatlarining san’at universitetlari rektorlari ishtirokida kengaytirilgan yig’ilish bo‘lib o‘tdi. Yig’ilish so‘ngida TURKSOY qoshidagi “Turkiy davlatlar san’at universitetlari ittifoqi” rezolyutsiyasi qabul qilindi.

Shuningdek, Xitoy, Fransiya, Rossiya, Germaniya, Gambiya, Ummon va Iordaniya davlatlaridagi oliy o‘quv yurtlari, xalqaro ilmiy ilmiy tadqiqot markazlari yetakchilari o‘rtasida jami 12 ta o‘zaro hamkorlik shartnomalari imzolandi.

Qisqa vaqt ichida anjumanga jahon xalqlari musiqasi tarixi, ijro uslublari, falsafiy-estetik tamoyillari, musiqa ta’limi, sohadagi muammo va yechimlarga oid 100 dan ortiq maqolalar keldi. Maqolalar jamlanib, “Maqolalar to‘plami” nashr etilib, barcha konferensiya ishtirokchilari va faxriy mehmonlarga sovg‘a qilindi.

 Mualliflar orasida Germaniya, Fransiya, AQSH, Yaponiya, Misr Arab Respublikasi, Buyuk Britaniya, Malayziya, Hindiston, Eron, Rossiya, Qozog‘iston, Ozarbayjon kabi davlatlardan yetuk olimlar va tadqiqotchilarning borligi ilmiy-amaliy konferensiyaning ahamiyatini yanada oshirdi.

 O‘zbekiston Respublikasi Madaniyat Vazirligi, Samarqand viloyat hokimligi, YUNESKO, Xalqaro festivallar direksiyasi, “TURKSOY” xalqaro madaniyat tashkiloti, Yunus Rajabiy nomidagi O‘zbek milliy musiqa san’ati instituti bilan hamkorlikda Sharq xalqlari musiqa san’ati an’analarini asrash va rivojlantirish, o‘zbek milliy musiqa va maqom san’atini yanada keng targ‘ib qilish, uning ilmiy - amaliy tamoyillarini o‘rganish borasida amalga oshirayotgan ishlar samaradorligini oshirish va qo‘llab – quvvatlash hamda uning madaniyatlararo muloqot maydonlarini yanada kengaytirish maqsadida, rezolyutsiya qabul qilindi.

Shuningdek, 27-28-avgust kunlari (soat 19:00da) “Sharq taronalari” XIII xalqaro musiqa festivaliga tashrif buyurgan 27 ta davlat (O‘zbekiston, Latviya, Yaponiya, Gretsiya, Turkmaniston, Hindiston, Eron, Qozog'iston, Nigeriya, Sudan, Ozarbayjon, Mongoliya, Bolgariya, Malayziya, Fransiya, Rossiya, Vengriya, Tojikiston, Qirg‘iziston, Libiya, Armaniston, Indoneziya, Pokiston, Xitoy, Misr, Kolumbiya, Mali) ning 50 ga yaqin guruh va xonandalar ishtirokchilar o‘rtasida ko‘rik-tanlov o‘tkazilib, Xalqaro hay’at tomonidan tanlov ishtirokchilarining chiqishlari baholandi.

Tanlov ishtirokchilarining chiqishlarini baholash uchun Tashkiliy qo‘mita tomonidan yetti kishidan kam bo‘lmagan tarkibda Xalqaro hay’at tuzildi.

Xalqaro hay’at a’zolari quyidagilar:

Ozarbayjon Respublikasi - Sahib Pashazade, Iroq - Furat Al-Qadduori,  Mo‘g‘uliston - Danzan Enkhtsetseg, Qozog‘iston -  Arman Nurmakhamatuly, Turkiya -  Cihan Yurtchu, Koreya Respublikasi -  Noh Tae Cheol, O‘zbekiston Respublikasi - Toir Qo‘ziyev.

Xalqaro hay’atga yuqori malakali xorijiy va mahalliy musiqashunos olimlar, taniqli san’atkorlar, kompozitorlar va bastakorlar, xorijiy davlatlardagi xalqaro san’at festivallari tashkilotlarining vakillari taklif etildi.

Baholash jarayonida qo‘shiqlarning milliyligi, she’rlarning ohang bilan mutanosibligi va mazmundorligi, qatnashchining ijro saviyasi, kiyinish madaniyati va sahna harakati tanlovning asosiy mezonlari hisoblandi.

29-avgust kuni Samarqand shahrida “Sharq taronalari” XIII xalqaro musiqa festivalining tantanali yopilish marosimi bo‘lib o‘tdi. Unda, g‘oliblar e’lon qilinib taqdirlandi.

Tanlov g‘oliblari Tashkiliy qo‘mita tomonidan diplom, statuetka va quyidagi miqdorlarda pul mukofotlari bilan taqdirlandi:

“Gran-pri” — 10 000 AQSH dollari;

I o‘rin (har bir yo‘nalish bo‘yicha) 2 x 5 000 — 10 000 AQSH dollari;

II o‘rin (har bir yo‘nalish bo‘yicha ) 2 x 3 500 — 7 000 AQSH dollari;

III o‘rin (har bir yo‘nalish bo‘yicha) 3 x 2 000 — 6 000 AQSH dollari;

Tanlovda qatnashgan va sovrindor bo‘lmagan ishtirokchilarga “Sharq taronalari” xalqaro musiqa festivali diplomanti diplomi berildi.

Tashkilotchi, ijodiy uyushmalar, jamg‘armalar va boshqa tashkilotlarning mustaqil hay’at a’zolari va muxlislar e’tirofiga sazovor bo‘lgan ishtirokchilar “Eng yosh ishtirokchi”, “Muxlislar e’tirofiga sazovor bo‘lgan eng yaxshi ishtirokchi”, “Eng yaxshi cholg‘u musiqasi ijrochisi” kabi nominatsiyalar va boshqa nominatsiyalar bo‘yicha maxsus diplom hamda 500 AQSH dollari miqdorida pul mukofoti bilan taqdirlandilar.

Festivalning har bir qatnashchisiga “Sharq taronalari” xalqaro musiqa festivali faol ishtirokchisi sertifikati berildi.

“Sharq taronalari” xalqaro musiqa festivalida 1997-yildan 2019-yilga qadar g‘oliblar (I va XII festivallar) roʻyxati

 

"Sharq taronalari" I xalqaro musiqa festivalida mukofotlanganlar roʻyxati. 1997-yil
Egallagan oʻrni	Ismi-familiyasi	Qaysi davlatdan	Mukofotlar (AQSH $)
Gran pri	Simara Imanova	Ozarbayjon	10.000
1-oʻrin	Munojat Yo'lchiyeva	O'zbekiston	5000
	Shannu Khurana	Hindiston	5000
2-oʻrin	Se Liin	Xitoy	3500
	Shahrom Noziriy	Eron	3500
3-oʻrin	Aleksandr Samojikov	Rossiya	2000
	B.Ganbat	Moʻgʻuliston	2000
	Ramazan Stamgaziyev	Qozogʻiston	2000
Hakamlarning maxsus sovrini	Turkmaniston musiqiy guruhi		"Neksiya" avtomobili
	Misr milliy musiqa ansambli
YUNESKO sovrini	Afgʻoniston musiqiy guruhi
"Sharq taronalari" II xalqaro musiqa festivalida mukofotlanganlar roʻyxati. 1999-yil
Gran pri	Nasiba Sattorova	Oʻzbekiston	10.000
1-oʻrin	Muhammad Omon	Saudiya Arabistoni	7000
	Yun Kong Son	Koreya	7000
2-oʻrin	“Lashari” ansambli	Gruziya	5000
	Jaspinder Narula Xonim	Hindiston	5000
3-oʻrin	Olim Boboyev	Tojikiston	2000
	Ustod Ali Hamidxon	Pokiston	2000
"Sharq taronalari" III xalqaro musiqa festivalida mukofotlanganlar roʻyxati. 2001-yil
Gran pri	-	-	-
1-oʻrin	Alim Gasimov	Ozarbayjon	7000
	Sohibjon Niyozov	Oʻzbekiston	7000
	Abdunabi Ibrohimov	Oʻzbekiston	7000
2-oʻrin	“Lashari” ansambli	Gruziya	5000
	Madkhushri Ramsonder Badaltjavhariy	Hindiston	5000
3-oʻrin	Milliy musiqa ansambli	Gretsiya	3000
	Nohide Tokguz	Turkiya	3000
YUNESKO sovrini	"Altay" guruhi	Rossiya	1000
	"Музыканты" guruhi	Qirgʻiziston	1000
Festival tashkiliy qoʻmitasi sovrini	"Angan al-Shabab"	Misr	Maxsus mukofot
"Sharq taronalari" IV xalqaro musiqa festivalida mukofotlanganlar roʻyxati. 2003-yil
Gran pri	"Uranhay” ansambli	Rossiya (Tuva Respublikasi)	10.000
1-oʻrin	Dilnura Mirzaqulova	Oʻzbekiston	7000
	Fozil Jamshidiy	Eron	7000
2-oʻrin	Ozoda Ashurova	Tojikiston	5000
	Zabit Nabizade	Ozarbayjon	5000
3-oʻrin	Milliy musiqiy ansambl	Afgʻoniston	3000
	An'anaviy musiqiy ansambl	Bangladesh	3000
YUNESKO sovrini	Abduhoshim Ismoilov	Oʻzbekiston	1000
	Musiqiy ansambl	Hindiston	1000
	Roman Kehman	Isroil	1000
"Sharq taronalari" V xalqaro musiqa festivalida mukofotlanganlar roʻyxati. 2005-yil
Gran pri	-	-	-
1-oʻrin	Aygun Biylar	Ozarbayjon	7000
	Nodira Pirmatova	O'zbekiston	7000
2-oʻrin	"Viulan" guruhi	Italiya	5000
	Quvayt musiqa akademiyasi torli cholg'ular ansambli	Quvayt	5000
	Urna Chahar Tuhchi	Moʻgʻuliston	5000
3-oʻrin	Koreys musiqiy guruhi	Janubiy Koreya	3000
	Shilpakala Akademiyasi musiqiy guruhi	Bangladesh	3000
	"Nazaret" orkestri	Isroil	3000
Hakamlarning maxsus sovrini	Milliy musiqa ansambli	Misr	2000
YUNESKO maxsus sovrini	Xanif Nabizoda rahbarligidagi musiqiy guruh	Afgʻoniston	1500
"Sharq taronalari" VI xalqaro musiqa festivalida mukofotlanganlar roʻyxati. 2007-yil
Gran pri	Quvayt musiqa instituti guruhi	Quvayt	10.000
1-oʻrin	Janubiy Koreya musiqa instituti guruhi	Janubiy Koreya	7000
2-oʻrin	"An-Nil" milliy musiqa cholg'ulari guruhi	Misr	5000
	Musiqa guruhi	Italiya	5000
3-oʻrin	"Ratang" guruhi	Keniya	3000
	"Seri Maharani Gazal" guruhi	Malayziya	3000
	Xitoy milliy yoshlar markazi guruhi	Xitoy	3000
YUNESKO sovrini	Eng yosh ishtirokchi Arzu Aliyeva	Ozarbayjon	2000
"Sharq taronalari" VII xalqaro musiqa festivalida mukofotlanganlar roʻyxati. 2009-yil
Gran pri	Turkmanistonda xizmat ko'rsatgan artist Lale Begnazarova	Turkmaniston	10.000
1-oʻrin	Gochag Askerov	Ozarbayjon	7000
	O'zbekiston xalq artisti Matluba Dadaboyeva va xalq cholg'ulari ansambli	Oʻzbekiston	7000
2-oʻrin	"Vinalog" rok-pop guruhi	Janubiy Koreya	5000
	"Shem Tov Levi" ansambli	Isroil	5000
3-oʻrin	Davlat musiqiy san'at instituti xalq cholg'ulari ansambli	Quvayt	3000
	Laura Molika	Italiya	3000
Hakamlarning maxsus sovrini	"Kunsu" operasi artistlari	Xitoy
	"Borte" guruhi	Moʻgʻuliston
	"Big Mountain" guruhi	AQSh
	Musiqiy guruh	Hindiston
	"Shilpakala" musiqiy akademiyasi milliy ansambli	Bangladesh
"Sharq taronalari" VIII xalqaro musiqa festivalida mukofotlanganlar roʻyxati. 2011-yil
Gran pri	"Park Jong-Vuk va Park Jonguk"	Janubiy Koreya	10.000
1-oʻrin	"Dunhuang nude vords"	Xitoy	7000
	"Aysva"	Litva	7000
2-oʻrin	"Lider" musiqiy guruhi	Rossiya	5000
	"Sato" musiqiy guruhi	Oʻzbekiston	5000
	"Ovoi mehriboni" musiqiy guruhi	Eron	5000
3-oʻrin	"Talilema"	Madagaskar	3000
	"Chvenburebi"	Gruziya	3000
	"Galkinish" guruhi	Turkmaniston	3000
YUNESKOning maxsus sovrini	Ilyos Arabov	Oʻzbekiston
	Jivan Gasparyan	Armaniston
	Nazeket Teymurova	Ozarbayjon
Milliy musiqa rivojiga qo'shgan hissasi uchun	"Huk Mongol"	Moʻgʻuliston
	"Dror"	Isroil
	"Yorqin ijrolar"
	"Varsi brazers"	Hindiston
Muxlislar e'tirofi	"Hidden Dragen"	Yaponiya
Samarqand shahar hokimiyatining "Samarqand" mukofoti	Afgʻoniston san'at instituti jamoasi
Samarqand viloyat hokimiyatining "Registon" mukofoti	Xurshed Ibragimov	Tojikiston
Hakamlar hay'atining maxsus mukofoti	"Bogʻ aro"	Oʻzbekiston
"Sharq taronalari" IX xalqaro musiqa festivalida mukofotlanganlar roʻyxati. 2013-yil
Gran pri	Rashmiya Agarval	Hindiston	10.000
1-oʻrin	"Sadoi Pamir" guruhi	Afgʻoniston	7000
	"Lanaya" guruhi	Burkino Faso	7000
2-oʻrin	"Pentan" guruhi	Buyuk Britaniya	5000
	"Sarihyun Gayageum Byungchangdan" guruhi	Koreya Respublikasi	5000
	Milliy opera va drama teatri jamoasi	Xitoy	5000
3-oʻrin	Abror Zufarov	Oʻzbekiston	3000
	"Chikuyusha" guruhi	Yaponiya	3000
	Catch-pop String-strong	Avstriya	3000
Maxsus mukofot sovrindorlari	Sanam Marvi	Pokiston
	Galit Giat	Isroil
	Taul Triini	Estoniya
	Nadi Singapura	Singapur
	Salomat Ayapov	Qoraqalpog'iston
	Sedar Hills	AQSh
"Sharq taronalari" X xalqaro musiqa festivalida mukofotlanganlar roʻyxati. 2015-yil
Gran pri	"Jiangsu" ayollar orkestri	Xitoy	10.000
1-oʻrin	"Shamisenʼ guruhi	Yaponiya	7000
2-oʻrin	Chelm	Polsha	5000
	Silver Sepp	Estoniya	5000
3-oʻrin	"Quelite"	Kosta-Rika	3000
YUNESKOning maxsus sovrini	"Ayqulash yulduzlari"	Oʻzbekiston	1500
Samarqand shahar hokimiyatining mukofoti	Didgori	Gruziya
Samarqand viloyat hokimiyatining mukofoti	"EVA" ansambli	Bolgariya
Hakamlar hay'atining maxsus mukofoti	Afrika ovozlari	JAR
"Sharq taronalari" Festival Direksiyasi mukofoti	Birjan Baziljanov	Qozogʻiston
Madaniyat va Sport ishlari Vazirligi mukofoti	"Sedaa"	Moʻgʻuliston
Maxsus mukofotlar	Pung Ryu	Koreya Respublikasi
	Lingua Franca ansambli	Gretsiya, Kipr
	"Baxshi" triosi	Turkmaniston
	"Laus Nova" guruhi	Italiya
	Yulduz Turdiyeva	O'zbekiston
	"Buta" jamoasi	Ozarbayjon
Ucell Aloqa kompaniyasining maxsus mukofoti	Modern Maori Quartet	Yangi Zenlandiya
"Sharq taronalari" XI xalqaro musiqa festivalida mukofotlanganlar roʻyxati. 2017-yil
Gran pri	Sohib Poshazoda	Ozarbayjon	10.000
1-oʻrin	Mohichehra Shomurodova	Oʻzbekiston	7000
	"Keosong" xalq badiiy jamoasi	Janubiy Koreya	7000
2-oʻrin	Qirgʻiz badiiy jamoasi	Qirgʻiziston	5000
	Litva badiiy jamoasi	Litva	5000
3-oʻrin	"Nagesh" badiiy jamoasi	Eron	3000
	Indonez badiiy jamoasi	Indoneziya	3000
	Turk badiiy jamoasi	Turkiya	3000
"Sharq taronalari" XII xalqaro musiqa festivalida mukofotlanganlar roʻyxati. 2019-yil
Gran pri	Mehrinigor Abdurashidova	Oʻzbekiston	10.000
1-oʻrin	"Qomuzchilar" dueti	Qirgʻiziston	5000
	Parviz Gasimov	Ozarbayjon	5000
2-oʻrin	"Archabil" guruhi	Turkmaniston	3500
	"Xatan" guruhi	Moʻgʻuliston	3500
3-oʻrin	"Ayarxan" guruhi	Rossiya	2000
	"Badaxshon" guruhi	Tojikiston	2000
	Azizjon Abduazimov	Oʻzbekiston	2000
	Ulugʻbek Elmurodzoda	Oʻzbekiston	2000

 

 Izoh: Madaniyat vazirligining https://t.me/madaniyatvazirligi rasmiy telegram sahifasida  #Sharq_taronalari  xeshtegi asosida qo‘shimcha m’lumotlarga ega bo‘lishingiz mumkin.