Туркий давлатлар энергетиклари ўртасида ўтказилган халқаро мусобақа “Ҳудудий электр тармоқлари” АЖ жамоаси ғолиб бўлди
2025-10-03 21:30:00 / Янгиликлар
Самарқанд шаҳрида туркий тилда сўзлашувчи давлатларнинг тақсимлаш электр тармоқларига хизмат кўрсатувчи электромонтёрлари ўртасида касб маҳорати бўйича халқаро мусобақа юқори савияда ташкил этилди.
Мазкур нуфузли мусобақада Озарбайжон, Қозоғистон, Қирғизистон, Татаристон, Туркия ҳамда Ўзбекистон Республикаси энергетика компаниялари мутахассислари иштирок этишди.
Мусобақа якунларига кўра, Ўзбекистон Республикаси шарафини ҳимоя қилган “Ҳудудий электр тармоқлари” АЖ жамоаси фахрли 1-ўринни қўлга киритди.
Шунингдек, 2-ўрин Қирғизистон ва Татаристон Республикаси энергетикларига, 3-ўрин эса Қозоғистонлик мутахассисларга насиб этди.
Мусобақа жараёнида янги инновацион ғояларни тақдим этган Озарбайжон Республикаси жамоаси Гран-при совринига муносиб кўрилди.
Мусобақа давомида турли номинациялар бўйича ҳам ғолиблар тақдирланди.
Эслатиб ўтамиз, 2023 йилда Озарбайжонда ва 2024 йилда Татаристонда ўтказилган халқаро мусобақаларда ҳам “Ҳудудий электр тармоқлари” АЖ жамоаси ғолиб бўлган эди.
Энергетика вазирлиги мазкур нуфузли мусобақада муносиб иштирок этиб, ғолибликни қўлга киритган “Ҳудудий электр тармоқлари” АЖ жамоасини самимий муборакбод этади.