Бухоро вилоятида юкламаси 300 МВт бўлган “Data Center” лойиҳасини амалга ошириш бўйича меморандум имзоланди
2025-07-24 20:35:00 / Янгиликлар
Бугун, 24 июль куни Энергетика вазирлигида Хитойнинг “Shanghai LinkWise Data Intelligence Co., Ltd” компанияси делегацияси билан учрашув бўлиб ўтди.
Унда Ўзбекистонда Хитой компаниялари томонидан энергетика соҳасида амалга оширилаётган ишлар, уларнинг истиқболлари муҳокама қилинди.
Учрашувда “Shanghai LinkWise Data Intelligence Co., Ltd” компанияси билан Бухоро вилоятида юкламаси 300 МВт бўлган маълумотлар маркази — “Data centr” лойиҳасини амалга ошириш бўйича меморандум имзоланди.
Шунингдек, келгусида Сурхондарё вилоятида яна 300 МВт юкламага эга “Data centr” барпо этиш режалаштирилган.
Музокара якунида меморандумга асосан лойиҳани амалга ошириш учун зарур ишларни жадаллаштиришга келишиб олинди.