Тадбиркорман. Электр тармоғига уланиш учун қаерга ва қандай мурожаат қилишим керак?
2026-08-06 16:40:00 / Янгиликлар
1. Ариза юбориш
Истеъмолчи Давлат хизматлари маркази ёки Ягона интерактив давлат хизматлари портали (my.gov.uz) орқали “Электр тармоқларига уланиш учун техник шарт олиш” давлат хизмати бўйича ариза юборади.
Аризада СТИР (ёки ЖШШИР), объект манзили, телефон рақами, сўралаётган электр қуввати, электр таъминоти ишончлилиги тоифаси (И, ИИ ёки ИИИ) кўрсатилади.
2. Техник шартни расмийлаштириш
Ариза Ҳудудий электр тармоқлари корхонасига келиб тушгач объект ўрганилади ва 3 иш куни ичида техник шарт ҳамда бажариладиган ишлар бўйича тижорат таклифи (шартнома) электрон тарзда истеъмолчига юборилади.
3. Шартнома тузиш
Истеъмолчи тижорат таклифини кўриб чиқиб, Ҳудудий электр тармоқлари корхонаси билан шартнома тузиши ёки лицензияга эга бошқа пудратчи ташкилот билан шартнома расмийлаштириши мумкин.
4. Электр таъминоти лойиҳасини ишлаб чиқиш
Шартнома тузилган ташкилот (лойиҳа ташкилоти) техник шарт асосида электр таъминоти лойиҳасини ишлаб чиқади.
Агар лойиҳа пудратчи томонидан ишлаб чиқилган бўлса, у белгиланган тартибда ҲEТ ва «Ўзенергоинспекция» билан электрон тарзда келишилади.
5. Лойиҳани келишиш
Ҳудудий электр тармоқлари корхонаси келиб тушган лойиҳани 6–10 кВ электр тармоқлари учун — 3 иш кунида, 35 кВ ва ундан юқори кучланишли электр тармоқлари учун — 5 иш кунида кўриб чиқади ҳамда «Ўзенергоинспекция»га электрон тарзда юборади.
6. Қурилиш-монтаж ишлари
Келишилган лойиҳа асосида пудратчи томонидан қурилиш-монтаж, синов ва созлаш ишлари амалга оширилади.
7. Эксплуатацияга рухсат олиш
Қурилиш-монтаж ишлари тугаллангач, пудратчи объектни эксплуатацияга қабул қилиш учун ҳужжатларни «Ўзенергоинспекция»га юборади.
8. Техник кўрик
«Ўзенергоинспекция» ва Ҳудудий электр тармоқлари корхонаси мутахассислари объектни жойига чиққан ҳолда кўрикдан ўтказади.
Талаблар бажарилган бўлса, 3 иш куни ичида эксплуатацияга рухсат бериш баённомаси электрон тизим орқали расмийлаштирилади.
9. Электр тармоғига уланиш
Пудратчи баённомани истеъмолчига тақдим этади.
Истеъмолчи баённомани Ҳудудий электр тармоқлари корхонасига тақдим этгач электр энергиясидан фойдаланиш шартномаси 1 иш куни ичида расмийлаштирилади ва объект электр тармоғига уланади.