Баъзан бир расм катта қизиқишнинг бошланишига айланади
2026-04-17 17:00:00 / Янгиликлар
#ёшлар_учрашув
Вазирнинг талабалар билан учрашуви давомида унга шамол электр станцияси тасвирланган расм совға қилинди. Расм муаллифи — шамол турбиналарини катта қизиқиш билан тасвирлаган талаба қиз экани маълум бўлди.
Суҳбат давомида эса қизиқ бир ҳолат маълум бўлди: расмни чизган талаба шамол электр станциясини ҳали жонли равишда кўрмаган экан.
Бу ҳолатни эшитган вазир ёшларнинг энергетика соҳасига бўлган қизиқишини қўллаб-қувватлаш кераклигини таъкидлаб, талаба учун шамол электр станциясига бориб, уни ўз кўзи билан кўриши учун ташриф ташкил этилишини ваъда қилди.
Чунки баъзан катта энергетикага бўлган қизиқиш оддий бир расмдан бошланиши мумкин.