2024/2025 йиллар куз-қиш мавсумига тайёргарлик доирасида «Янги Ангрен» ИEСнинг 1-сонли энергоблокида таъмирлаш ишлари олиб бориляпти
2024-06-25 16:35:00 / Янгиликлар
Мавсумга тайёргарлик доирасида электр станциясининг барча энергоблокида режа-жадвалга мувофиқ таъмирлаш-созлаш ишлари босқичма-босқич амалга оширилмоқда. Бундан кўзланган асосий мақсад, ишни самарали ташкил этиш ва мазкур энергия иншоотида электр энергияси ишлаб чиқариш барқарорлигини таъминлашдан иборат.
Айни дамда қуввати 300 МВтга тенг бўлган 1-сонли энергоблокда мукаммал таъмирлаш ишлари олиб бориляпти.
Шу билан бирга, трансформатор, қозон агрегати, турбина, генератор ротори ва энергоблок статорида аниқланган камчиликлар бартараф қилинади.
Таъмирлаш ишларига станция ҳамда «Ўзбекенерготаъмир» АЖнинг 200 нафардан ортиқ малакали мутахассислари жалб этилган.