Марказий ҳудуддан Тошкент ва водий вилоятларининг электр таъминоти барқарорлигига хизмат қиладиган мегалойиҳа амалга оширилмоқда
2026-03-03 10:00:00 / Янгиликлар
#электр_энергияси
Самарқанд вилоятида умумий қуввати 1000 МВт бўлган қуёш фотоэлектр станцияси, қарийб 700 МВт қувватли электр энергиясини сақлаш тизими, йирик қувватли подстанция ҳамда 441 км электр узатиш тармоғи қурилмоқда.
Мазкур лойиҳа марказий ҳудуддан Тошкент шаҳри ва водий вилоятларининг электр таъминоти барқарорлигини таъминлашга хизмат қилувчи йирик инфратузилма объекти ҳисобланади.
Лойиҳа ишга тушгач, йилига 2,4 млрд кВт·соат электр энергияси ишлаб чиқариш, қарийб 1 млрд кВт·соат электр энергиясини сақлаш ва тармоққа етказиб бериш имконияти яратилади.