Ўзбекистон Республикаси Энергетика вазирлиги

Энергетика вазирлиги томонидан Европа тикланиш ва тараққиёт банки (ЕТТБ), БМТнинг Аёллар тузилмаси (UN Women) ҳамда “Dornier Consulting International GmbH” (Dornier Group) билан ҳамкорликда амалга оширилаётган “Ўзбекистонда углерод-нейтрал иқтисодиётга ўтиш бўйича гендерга йўналтирилган ва адолатли йўл харитасини ишлаб чиқиш” лойиҳаси доирасида техник давра суҳбати бўлиб ўтди.

Тадбирда Энергетика вазирлиги, Ўзбекистон энергетика, нефть-газ ва геология ходимлари касаба уюшмаси Республика Кенгаши, ЕТТБ, UN Women, “Dornier Consulting International GmbH” (Dornier Group), “Masdar”, “Voltalia”, “Veolia Energy Tashkent” МЧЖ, «Ўзэнергоинспекция», «Ўзбекнефтгаз» АЖ, «Ўзтрансгаз» АЖ, «Ҳудудгазтаъминот» АЖ, “Иссиқлик электр станциялари” АЖ, «Ўзбекгидроэнерго» АЖ, “Ўзбекистон миллий электр тармоқлари” АЖ,  “Ҳудудий электр тармоқлари” АЖ, «Ўзэнергосотиш» АЖ ва Қайта тикланувчи энергия манбалари миллий илмий-тадқиқот институтида гендер сиёсатини амалга ошириш бўйича масъул ходимлар қатнашди.

Давра суҳбати доирасида лойиҳанинг дастлабки баҳолаш натижалари тақдим этилди ва энергетика соҳасида гендер тенглигини таъминлаш, хотин-қизларнинг фаол иштирокини кенгайтириш, инклюзив ва барқарор «яшил» ривожланишга кўмаклашиш бўйича амалий механизмлар муҳокама қилинди.

Шунингдек, иштирокчилар Ўзбекистонда углерод-нейтрал иқтисодиётга босқичма-босқич ўтиш жараёнида гендер тенглиги масалаларига эътибор қаратишнинг муҳимлгини таъкидладилар.