O‘zbekiston turizmni rivojlantirish yo‘lida xalqaro hamkorlikni kengaytirmoqda
2025-09-27 10:45:00 / Yangiliklar
Turizm qo‘mitasi raisi Umid Shadiyev Parijga ish safari doirasida yirik xalqaro loyihalar - Dakar Rally va Tour de France tashkilotchilari bilan uchrashuvlar o‘tkazdi.
Uchrashuvda keng auditoriyaga ega bo‘lgan va xalqaro maydonda mamlakatlarning ijobiy qiyofasini shakllantiradigan yirik xalqaro tashabbuslarda ishtirok etish orqali O‘zbekistonning sayyohlik brendini rivojlantirish istiqbollari muhokama etildi.
Madaniy va sayyohlik imkoniyatlarini kengaytirish, tadbirlarni tashkil etishda tajriba almashish hamda sayohatchilar uchun jozibador sharoitlar yaratish masalalariga alohida e’tibor qaratildi.
Muzokaralar yakunida tomonlar O‘zbekistonning zamonaviy va mehmondo‘st sayyohlik yo‘nalishi sifatidagi obro‘sini mustahkamlashga qaratilgan qo‘shma tashabbuslarni ko‘rib chiqish va muloqotni davom ettirish istagini bildirdilar.