O‘zbekiston Respublikasi Turizm qo‘mitasi

Tomonlar O‘zbekistonning turizm salohiyatini Fransiyada targ‘ib etish istiqbollarini atroflicha muhokama qildilar va qo‘shma marketing hamda PR tadbirlarini tashkil etish, jumladan, yetakchi turoperatorlar bilan road show va B2B uchrashuvlarini o‘tkazishga kelishib oldilar. Fransiya sayyohlik bozorida O‘zbekiston haqidagi ma’lumotlar tarqalishini kengaytirish masalalariga alohida e’tibor qaratildi.

Muzokaralarning alohida yo‘nalishi sifatida Fransiya mehmonxona tarmoqlari, tadbirkorlik doiralari va sarmoyadorlarini O‘zbekistonda sayyohlik infratuzilmasini rivojlantirish, zamonaviy mehmonxonalar va dam olish maskanlarini qurish loyihalarini amalga oshirishga jalb etish masalasi ko‘rib chiqildi.

Uchrashuv yakunida tomonlar amaliy hamkorlikni kuchaytirish va yaqin kelajakda aniq qadamlarni kelishib olishga tayyorliklarini bildirdilar.