Turizm qo‘mitasida O‘zbekiston-Fransiya turizm sohasidagi hamkorlik masalalari muhokama etildi
2025-09-22 09:20:00 / Yangiliklar
Turizm qo‘mitasi raisi Umid Shadiyev Fransiya Respublikasining O‘zbekistondagi elchisi Valid Fuk bilan uchrashuv o‘tkazdi.
Uchrashuvda O‘zbekistonning Fransiyadagi turizm salohiyatini targ‘ib qilish, mamlakatimizga fransuz sayyohlari oqimini ko‘paytirish hamda ikki davlat turoperatorlari o‘rtasida hamkorlikni mustahkamlash masalalari muhokama etildi.
Muzokaralar yakunida tomonlar marketing va PR kampaniyalarini kuchaytirish, maxsus turpaketlar ishlab chiqish, aviaqatnovlar sonini oshirish hamda tibbiyot turizmi yo‘nalishida hamkorlikni rivojlantirishga kelishib oldilar.