Bahraynlik yetakchi OAV va blogerlar O‘zbekistonning sayyohlik salohiyati bilan tanishdilar
2025-09-15 15:40:00 / Yangiliklar
Turizm qo‘mitasi tomonidan Tashqi ishlar vazirligi bilan hamkorlikda bahraynlik yetakchi jurnalist, bloger va inflyuyenserlardan iborat delegatsiya uchun joriy yilning 8–15-sentyabr kunlari O‘zbekistonga infotur tashkil etildi.
Xorijiy mehmonlar Samarqand, Buxoro, Jizzax viloyatlari va Toshkent shahrining diqqatga sazovor joylari, shuningdek, O‘zbekistonning boy madaniy merosi, urf-odatlari, gastronomiyasi va betakror tabiati bilan yaqindan tanishdilar.
Info-tur doirasida xorijiy OAV tomonidan mamlakatimizning turistik jozibadorligi to‘g‘risidagi umumiy 100 dan ortiq foto, video va maqolalar Bahraynning “Al-Wasat”, “Akhbar Al Khaleej Daily Newspaper”, “Al-Ayam”, “Axbor al-Xalij”, “Alayam News” va ijtimoiy tarmoqlarda joylashtirildi.
Ushbu tashrif O‘zbekistonning xalqaro miqyosdagi ijobiy imidjini mustahkamlash va turizm imkoniyatlarini keng targ‘ib qilishga hamda Bahrayn Podshohligidan sayyohlar oqimi oshishiga xizmat qiladi.