Britaniya jurnali O‘zbekistonda turizm sohasi uchun kadrlar tayyorlashning o‘sishi haqida
2025-09-13 20:25:00 / Yangiliklar
Materialda ta’kidlanishicha, turizm bandlik va kasbiy o‘sish uchun yangi imkoniyatlar yaratilayotgan asosiy yo‘nalishlardan biriga aylanmoqda.
Nashrning yozishicha, so‘nggi yillarda mamlakatda turizm va mehmondo‘stlik dasturlariga ega bo‘lgan ko‘plab o‘quv muassasalari tashkil etildi.
Shu bilan birga, O‘zbekistonning barcha hududlarida ushbu sohadagi mutaxassislarni tayyorlashga bo‘lgan o‘sib borayotgan ehtiyojni qondirish uchun samarali ta’lim modellarini kengaytirish va ommalashtirish zarurligi ta’kidlanmoqda.
Maqolada qayd etilishicha, mutaxassislar ta’lim muassasalarini xususiy sektor bilan yaqin hamkorlikda ishlashga undamoqda. Talabalarni sohaning real sharoitlariga maksimal darajada tayyorlash maqsadida o‘quv jarayoni mehmonxonalar va sayyohlik obyektlarida amaliyot o‘tashni, ustozlik qilishni hamda moslashuvchan formatlarni - kechki, qisqa muddatli va onlayn kurslarni o‘z ichiga olishi lozim.