O‘zbekiston Respublikasi Turizm qo‘mitasi

O‘rganishlarni har tomonlama natijali o‘tishi uchun mutasaddi vazirlik va idoralarning malakali xodimlaridan tashkil topgan Respublika ishchi guruhi tarkibi va respublika hududlarida o‘rganishlarni amalga oshirish reja-jadvali ham tasdiqlangan.

Hududlarda o‘rganishlarni amalga oshirish bo‘yicha joriy yilning 5-sentyabr kuni Turizm qo‘mitasi binosida qo‘mita raisi va mutasaddi vazirlik va idoralarning malakali xodimlari, viloyatlar hokimlarining qurilish, to‘siqsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari hamda ijtimoiy soha bo‘yicha o‘rinbosarlari boshchiligidagi hududiy ishchi guruhlar vakillari ishtirokida tashkiliy yig‘ilish o‘tkazildi.

Turizm qo‘mitasi raisi U.Shadiyev tomonidan o‘tgan yillarda amalga oshirilgan tanqidiy o‘rganishlar natijasida turistlar tashrif buyuradigan joylar sanitar holatining birmuncha yaxshilangani, erishilgan natijalar bilan birgalikda hali bu borada qilinadigan ishlar ko‘pligi, aholi va turistlar tashrif buyuradigan barcha obyektlarda, umumta’lim maktablarida zamonaviy sanitariya-gigiyena shoxobchalari bo‘lishiga, ularda nogironligi bo‘lgan shaxslar va yosh bolali ota-onalar uchun ham sharoitlar yaratilishiga erishish lozimligi, eng asosiysi ularni doimo toza va soz holatda saqlanishini ta’minlash zarurligi alohida qayd etib o‘tildi.

Shuningdek, o‘rganishlar natijadorligiga o‘zining samarali hissasini qo‘shgan hudud va mas’ul xodimlarni yana bir bor moddiy va ma’naviy rag‘batlantirish ishlari davom ettirilishi ham ma’lum qilindi.

Shundan so‘ng, Respublika ishchi guruhi rahbari Xayitova Muhayyo Holmurodovna tomonidan hududlardagi o‘rganishlarni samarali tashkil etish masalalari batafsil muhokama qilindi.