“Yosh gidlar maktabi” aʼzolari amaliyotda
2025-08-11 11:25:00 / Yangiliklar
Turizm yo‘nalishida tahsil olayotgan talaba-yoshlarning sohaga qiziqishini oshirish, gidlik faoliyati boʻyicha amaliy koʻnikmalarni shakllantirish, kasbiy malakasini oshirish hamda yozgi taʻtil davrini mazmunli oʻtkazish maqsadida tashkil etilgan “Yosh gidlar maktabi” dasturining Urganch davlat universiteti talaba-yoshlari “Qovun sayli” festivalida xorijlik mehmonlarga hamrohlik qilish orqali ushbu dasturning amaliyotini oʻtashdi.
Talabalar tarjima xizmatlarini ko‘rsatibgina qolmay, xorijlik mehmonlarni festival davomida kuzatib borish, joylarda yo‘lko‘rsatkich bo‘lish va madaniy merosimizni tanishtirishda ham samarali faoliyat olib bordilar.
“Yosh gidlar maktabi” nafaqat kasbiy mahoratni oshirishga, balki yoshlarning ijtimoiy faolligini kuchaytirishga, milliy madaniyatimizni targ‘ib etuvchi yetuk kadrlar yetishtirishga xizmat qiladi.