WTA xalqaro muloqoti ishtirokchilari Samarqand va Xivaning sayyohlik salohiyati va madaniy merosi bilan tanishdilar
2025-07-08 09:00:00 / Yangiliklar
Tadbir mehmonlari Samarqanddagi Amir Temur maqbarasi (Go‘ri Amir), Registon maydoni va Shohi Zinda yodgorlik majmuasini ziyorat qildilar. Shuningdek, “Ipak yo‘li” xalqaro turizm va madaniy meros universiteti, Xalqaro turizm akademiyasi, BMTning turizm tematik ofisi hamda Art-rezidensiyasi faoliyati bilan tanishdilar.
Dastur Xivada davom etdi. Delegatsiya a’zolari “Arda Xiva” sayyohlik majmuasini, “Farovon Xiva” mehmonxonasini, Nurillaboy saroyini va YuNESKOning Butunjahon merosi ro‘yxatiga kiritilgan Ichan-Qal’a tarixiy-me’moriy majmuasini ziyorat qildi.
Madaniy dastur ishtirokchilarga O‘zbekistonning sayyohlik salohiyati va tarixiy merosi bilan yaqindan tanishish imkonini berdi, shuningdek, madaniy obyektlarni saqlash va turizmni rivojlantirish uchun moslashtirishning amaliy namunalarini o‘z ko‘zlari bilan ko‘rish imkoniyatini yaratdi.